影片
更多
2023-07-31
75 浏览
出糧同屋企人食餐好既，今次嚟到將軍澳嘅大將食日式一人一鍋火鍋放題。餐廳環境充滿日式木系風格，光線非常明亮，感覺好舒服。放題套餐有幾個唔同嘅價位，可以自由選擇適合自己嘅套餐。我同屋企人就揀咗澳洲和牛牛小排套餐($398/成人，$238/小童或長者)平日一至四食150分鐘，星期五六日食120分鐘。湯底方面，我哋揀咗花生沙嗲湯同埋日高昆布湯。花生沙嗲湯既沙嗲既味道幾突出香濃。昆布湯比較清淡，能夠突出食材本身嘅味道。點餐後，店員會先送上頭盤，包括:澳洲和牛牛小排、五花腩同雞肉，之後可以任點套餐包括嘅肉類同其他食物。牛肉方面，總共有六款，包括：澳洲和牛牛小排、安格斯牛小排、和牛胸腹眼、特選美國牛肩肉、嚴選prime 牛肩肉同一口牛肉粒。個人比較鍾意和牛牛小排，肥瘦比例均勻，肉質柔軟，和牛胸腹眼肉質比較紮實，牛味較出。除咗牛肉，另外有豬肉、雞肉、羊肉同海鮮，幾多選擇。小食、丸類、菜類同醬料都係自助形式，款式都幾多，而且擺放整齊企理。甜品同飲品都係任飲任食，當日有木糠布甸、Tiramisu、泡芙，仲有雪糕同埋自製窩夫，選擇幾豐富~
放題套餐有幾個唔同嘅價位，可以自由選擇適合自己嘅套餐。我同屋企人就揀咗澳洲和牛牛小排套餐($398/成人，$238/小童或長者)平日一至四食150分鐘，星期五六日食120分鐘。
湯底方面，我哋揀咗花生沙嗲湯同埋日高昆布湯。花生沙嗲湯既沙嗲既味道幾突出香濃。昆布湯比較清淡，能夠突出食材本身嘅味道。
點餐後，店員會先送上頭盤，包括:澳洲和牛牛小排、五花腩同雞肉，之後可以任點套餐包括嘅肉類同其他食物。
牛肉方面，總共有六款，包括：澳洲和牛牛小排、安格斯牛小排、和牛胸腹眼、特選美國牛肩肉、嚴選prime 牛肩肉同一口牛肉粒。個人比較鍾意和牛牛小排，肥瘦比例均勻，肉質柔軟，和牛胸腹眼肉質比較紮實，牛味較出。除咗牛肉，另外有豬肉、雞肉、羊肉同海鮮，幾多選擇。
小食、丸類、菜類同醬料都係自助形式，款式都幾多，而且擺放整齊企理
。
甜品同飲品都係任飲任食，當日有木糠布甸、Tiramisu、泡芙，仲有雪糕同埋自製窩夫，選擇幾豐富~
张贴
