豊勝手丼 (已結業)

今日行完銅鑼灣經過登龍街見到有一間好靚嘅日本餐廳原來係食魚生飯嘅咁我就一於入去試吓睇完個餐牌經過店員嘅推介食咗佢嘅招牌菜就係九鼎丼叫咗個沙律清清口腔，酸酸地更加開胃☺️蟹肉好清甜，蟹膏好甘香，吞拿魚腩好肥美，三文魚好新鮮，油甘魚好有咬口，海膽好滑好香濃，三文魚子粒粒都好飽滿，仲有佢啲飯係全部用醬油調製而成唔係白飯唔夠食再叫多個人氣壽司有12件，帶子好厚好鮮甜，左口魚裙邊火炙得啱啱好魚油出晒黎，蝦壽司都好大隻好鮮甜，赤身吞拿魚味好夠，魷魚好新鮮好黏口好似啱啱調上嚟咁，鰻魚壽司夠晒大條加埋啲醬油鮮味十足