影片
更多
2008-06-20
上星期六(6月14日)下晝4點3, 我同朋友去太子始創中心斜對面間石X坊食甜品......我落單0個陣指住個MENU比個樓面睇, 要一個”椰香雜果西米露”(因為有次D樓面將”西米露”聽錯0左做”西米撈”, 所以我慣性地指比樓面睇, 廢事落錯單)……點知比0左一個雜果+成座山咁高0既刨冰+涼粉我……於是我就同0個個樓面講, 叫佢換過比我……點不知個樓面賴我, 話我係叫”XXXXX撈”(佢講得勁快又細聲, 我完全聽唔到佢講乜0野撈)…….咁我咪指返比佢睇我頭先係叫”西米露”, 再叫佢換過囉!!跟住佢就叫0左另一個樓面過0黎, 話比佢知我想換過……佢望一望我碗涼粉, 張單同埋MENU, 冷笑一0下, 拎轉頭就行開0左, 個樣擺明就係:”關我鬼事!!唔好理咁多0野添呀!!廢事上身!!”咁~~~0個個樓面仍然唔想換返比我……我覺得做錯0野坦白認0左佢咪算囉!!!到而家呢一刻一句對唔住都無講過!!!仲賴返我轉頭!!!所以我企硬要佢換返比我……佢叫0左一個0係”水吧”入面做0野0既女人(個樣好似店長咁)出0黎, 同佢講話我想換過, 個女人好兇咁望一望我同碗涼粉, 然後就勁兇咁同0個個樓面講:”咪換返
我落單0個陣指住個MENU比個樓面睇, 要一個”椰香雜果西米露”(因為有次D樓面將”西米露”聽錯0左做”西米撈”, 所以我慣性地指比樓面睇, 廢事落錯單)……
點知比0左一個雜果+成座山咁高0既刨冰+涼粉我……
於是我就同0個個樓面講, 叫佢換過比我……點不知個樓面賴我, 話我係叫”XXXXX撈”(佢講得勁快又細聲, 我完全聽唔到佢講乜0野撈)…….咁我咪指返比佢睇我頭先係叫”西米露”, 再叫佢換過囉!!跟住佢就叫0左另一個樓面過0黎, 話比佢知我想換過……佢望一望我碗涼粉, 張單同埋MENU, 冷笑一0下, 拎轉頭就行開0左, 個樣擺明就係:”關我鬼事!!唔好理咁多0野添呀!!廢事上身!!”咁~~~
0個個樓面仍然唔想換返比我……我覺得做錯0野坦白認0左佢咪算囉!!!到而家呢一刻一句對唔住都無講過!!!仲賴返我轉頭!!!所以我企硬要佢換返比我……
佢叫0左一個0係”水吧”入面做0野0既女人(個樣好似店長咁)出0黎, 同佢講話我想換過, 個女人好兇咁望一望我同碗涼粉, 然後就勁兇咁同0個個樓面講:”咪換返比佢囉!!”於是個樓面就收0左碗涼粉, 掉0左落個桶度(平時D客食完收0左D餐具或者食剩0既0野就掉落去0個個桶), 跟住佢又執返上0黎比返已經入0左”水吧”0既0個個女人……我見唔對路, 即刻衝埋去個水吧度睇0下佢0地搞乜……
我見到0個個女人收返0個碗”涼粉”入去再整過……我忍唔住問佢:”你唔係諗住用返呢碗0野整過比我呀嘛??????” 佢好理直氣壯咁話:”D雜果係你0家嘛!!!”我話:”你0地掉過落個桶度喎!!!”佢又好理直氣壯咁話:”個桶乾淨0家!!!”……我即刻衝埋去個桶度, 個女人見我衝埋去睇, 就即刻比返0個碗”涼粉”個樓面掉返落個桶度……
本來我想繼續行埋去睇0下個桶, 同埋call食環署, 不過見佢肯用返新0既雜果再整過就算啦!!(我一路企0係個”水吧”面前睇住佢整, 廢事佢玩0野)……但係唔會再有下次囉!!!!以後都唔會再幫襯佢!!!就算香港無甜品食, 得返佢一間我都唔會幫襯!!!由始至終對唔住都無聲, 仲0係垃桶度執返D 0野比個客食!!!!!真係豈有此理!!!!!!!(又唔見佢0係垃圾桶度執返比佢自已食喎!!!!)
都唔知個老細搞乜!!!搞到D員工咁驚做錯0野要換過碟比個客, 唔知係唔係換過就要比人罵到狗血淋頭, 甚至要賠返$$比公司(碗糖水成本值幾$$呀??)……同埋都唔知點解呢個老細請埋D員工返0黎係執垃圾比個客食……
张贴