影片
更多
2018-05-04
86 浏览
今晚約咗朋友喺諾士佛臺飲野，飲嘢之前梗係要食番個靚飯打下底啦，有見呢輪食得太多西餐，就同啲friend子嚟到呢間位於斜路底嘅台灣飯店喇。飯店既裝修十分精緻，其中呢一個放喺入口既吊燈 充滿住傳統氣息，深深吸引住我。南非鮑魚拼涼拌海蜇，涼拌海蜇口感清爽，酸酸哋十分開胃；鮑魚十分大隻，厚厚哋都切到五六塊，個醬汁甜得嚟有啲豉油味同埋蒜頭味，有少少似炸子雞嗰個汁，特別鐘意佢底下有紫洋蔥伴碟，同個鮑魚夾住食好正。陽明山炒雙蚌，十分鐘意桂花蚌爽脆嘅口感，每一次食都總覺得條脷有少少麻痺嘅刺激快感，個菜嚟講係經常陪伴喺牛扒側邊嘅green bean，第一次食中式呢一個炒法，炒得熟過平時喺牛扒側邊嗰啲好多，熟啲既感覺有少少似豆角， 不過要比起豆角嫩好多，一改平時喺牛扒側跟冰冰冷冷又硬班班嘅感覺。五味黃花魚，廚師首先將黃花魚走油，在勾上五味紛陳既獻汁，個獻唔會話太杰，我較為喜歡當中嘅酸甜味，另外最重要係條魚炸得脆身之餘，魚肉仲保持著十級嘅嫩滑，廚師選用黃花魚十分正確。台灣炒a菜，a菜即係我地香港人既油麥菜，簡簡單單嘅一碟炒菜，火候同味道恰到好處，更考廚師嘅功力。擔仔麵，呢度嘅擔仔麵同度小月嘅有少少相似，不過
今晚約咗朋友喺諾士佛臺飲野，飲嘢之前梗係要食番個靚飯打下底啦，有見呢輪食得太多西餐，就同啲friend子嚟到呢間位於斜路底嘅台灣飯店喇。
飯店既裝修十分精緻，其中呢一個放喺入口既吊燈 充滿住傳統氣息，深深吸引住我。
南非鮑魚拼涼拌海蜇，涼拌海蜇口感清爽，酸酸哋十分開胃；鮑魚十分大隻，厚厚哋都切到五六塊，個醬汁甜得嚟有啲豉油味同埋蒜頭味，有少少似炸子雞嗰個汁，特別鐘意佢底下有紫洋蔥伴碟，同個鮑魚夾住食好正。
陽明山炒雙蚌，十分鐘意桂花蚌爽脆嘅口感，每一次食都總覺得條脷有少少麻痺嘅刺激快感，個菜嚟講係經常陪伴喺牛扒側邊嘅green bean，第一次食中式呢一個炒法，炒得熟過平時喺牛扒側邊嗰啲好多，熟啲既感覺有少少似豆角， 不過要比起豆角嫩好多，一改平時喺牛扒側跟冰冰冷冷又硬班班嘅感覺。
五味黃花魚，廚師首先將黃花魚走油，在勾上五味紛陳既獻汁，個獻唔會話太杰，我較為喜歡當中嘅酸甜味，另外最重要係條魚炸得脆身之餘，魚肉仲保持著十級嘅嫩滑，廚師選用黃花魚十分正確。
台灣炒a菜，a菜即係我地香港人既油麥菜，簡簡單單嘅一碟炒菜，火候同味道恰到好處，更考廚師嘅功力。
擔仔麵，呢度嘅擔仔麵同度小月嘅有少少相似，不過我覺得呢一度味道再清一啲，麵條方面如果再生少少相信會更加好。
即撞豆腐花，呢個豆腐花真係滑到痴哂線，唔怪得一擺低侍應姐姐拍心口話夠膽話係全尖沙咀最滑嘅豆腐花，因為係即撞嘅關係，等十分鐘都抵啊。
张贴
