順興隆桂記荳品廠

营业中

休息中

呢間d豆漿、豆花好正架~ 豆漿雖則唔算十分之香濃，但都算有豆味，唔會淨係得個甜字。最重要係佢幾時都係咁冰凍！大熱天時飲返杯真係一絕。我就最鍾意0係附近0既四川食完麻辣米線之後過來飲返杯，真係超正0既配搭。即使四川都有豆漿賣，仲平過呢度‥‥‥仍然堅持過來幫襯。另一原因係呢間舖俾到人一種好親切0既感覺，全舖有成超過十個員工，全部都上哂年紀，有時見到佢地成班一齊坐低食飯，好不熱鬧。佢地d豆腐、豆漿($4.5)、豆花($5.5)全部都係0係舖後0既工場自家製，而且多人幫襯，保證新鮮。豆漿都係其次，佢d豆花先係極品，熱豆花真係無得彈！食過好多豆花‥‥‥滑就滑，不過就落左好多石膏粉，無厘味道。呢度果d就真係perfect！凍豆花都好食，不過始終不及熱的。吃過熱的，相信你下次都唔會叫凍的了。另外釀豆腐都好受歡迎，不過我就未試過，因為次次都係食完野先0黎‥‥‥有機會0既話會試試呢。