美食廊 (已結業)

有半小時冇頂去，就入左路經小店美食廊，諗住食個平平茶餐抖抖。點了牛肉包，23蚊，算平。一直冇期望，直至飽黎到既時候，有驚喜喎，已眼見牛肉唔少，好juicy.你知茶廳廳成日俾啲炸到脆脆黑黑乾乾既牛肉俾客人嘛，沙律醬少少，唔多，啱晒我呢啲怕肥人士。有兩片蕃茄，新鮮爽口。成個份量配搭適中，個飽呢，按下去外面稍脆，入面鬆軟。好喇，咬落去喇！霎霎霎聲，又冇話碎到成枱係喎，證明脆得冇過份乾，仲有水份喎。牛方面如我想像，真係juicy味美，一個手掌咁大既飽，好快俾我KO喇！有冇咁誇張？可能我好耐冇食過牛扒飽，感覺太滿足，搞到平時少含蓄既我語氣誇張左，不過點都好，23蚊餐黎講，實在好值得幫襯。