影片
我同honey 放假再次黎西环玩, 去完附近长春社同赛马会搞嘅「渠盖展」，夜晚黎左「西宝城」附近嘅「美食廊」开饭。话明叫「美食廊」，餐牌真系要咩有咩。客人一坐底，侍应哥哥即刻摆底一人一大碗汤猪骨眉豆花生汤！要赞每款菜式都系「家常小菜」，款式多选择。晚餐🌜价钱$58-60一个小菜+一碗白饭+野饮餐牌煎炒煮炆样样齐，但汤饭系列晚市就暂停。Honey 好锡我，两个𩠌都系叫我想食嘅𩠌，1.带子翠塘豆腐上面铺左有鱿鱼粒虾仁菜心头粒，下面就系滑滑嘅豆腐。2.姜汁胜瓜炒猪颈肉好多胜瓜，猪颈肉切成一块块，几有咬口。另外，见到有食客叫茄子炆斑腩煲，吊烧春鸡，盐烧炒猪扒，好香呀，下次再黎一定要试呢几样Tip:菜式唔觉有味精，份量大大份，适合一家人开餐。
继续阅读
犹记得初步入好友推介的「美食廊」，就像看到其貌不扬的相亲对象，想拔腿就逃，但尝过一次后，便对其性价比极高的小菜留下深刻印象。是日再次与好友到访，只是循例看一看餐牌，便有默契地点选了既定的菜式。精选晚餐选择极多，晚餐包餐汤及饮品，大部分晚餐只需$58，性价比极高。美极椒盐鸡中翼$60，共有八大只鸡翼，份量十分足够。鸡翼皮脆肉嫩，具浓浓美极及椒盐香味，香口但又不会太干身。南乳吊烧鸡每日限量发售，烧鸡色泽金黄，肉质鲜嫩，而精髓更在于秘制南乳酱汁，烧鸡沾上浓香的南乳酱汁特别鲜甜惹味。家乡咸鱼肉松煎饼是我们的新尝试，果然不负所望，肉饼以带肥的梅头肉及肉质糯软、味道甘香咸鲜的咸鱼，加上粒粒马蹄制成，既松化又有口感，煎肉饼香口惹味，令人胃口大开，送饭一流蒜蓉西兰花并非晚餐，但价格相宜，若能把西兰花切得更适合一口食用的大小会更好。
继续阅读
两大两细食夜晚一坐低啲颗记放低四碗汤，我已经话只叫两个套餐，要两碗汤可以（因为不是太肚饿女儿又很细不是食太多），但未理会我，啲颗记问隔离枱要不要多碗汤，我以为大方无所谓，之后再叫饮品，但老板娘话已经俾多两碗汤，所以唔包饮品，态度很差，我话之前黎食你地无晒汤跟，我都无同你地计，老板娘仲话你下次可以唔黎。平时经常帮衬叫做份量够，颗记有些都正常，反而老板娘态度恶劣！食物已经一般，服务态度又咁差，以后都唔会帮衬
继续阅读
香港系美食之都 想食边个地方嘅特色菜都有 细个会成日扭计要食西餐啊日本野啊 但系大个咗好多时又会想食返小菜😂😂😂言归正传 呢一间餐厅 适合带生大食积嘅朋友去食小菜每日嘅精选晚餐有成20款选择 $60唔使有埋汤同嘢饮 唔钟意嘅叫返a la carte 都只系贵少少😛首先比碗汤大家睇吓 同张单对比大家就会睇到 碗汤系用汤碗装嘅😂 唔够欢迎再添 我就其实饮完碗汤都饱饱地喇😆再嚟三款小菜 黑椒茄子牛肉煲 豆腐斑腩煲 同咸蛋蒸肉饼 豆腐斑腩同咸蛋蒸肉饼就唔讲啦 香港人都知咩味😂 黑椒茄子就有惊喜㖞 因为我就比较少食到咁样嘅配搭 但用黑椒炒嘅茄子原来又几惹味 佢又抄得唔系太淋 口感唔错😯最后要俾大家睇吓嘅就系呢碗饭😂 姐姐会问你要大饭定细饭嘅 我就梗系叫细啦 但大家望吓左手边 仍然塞满左成碗 有个小山丘喺度嘅🏔 要大嘅话呢就好似右边咁 汤碗又会出场😂😂😂我一路食一路好邓啲外国人可惜 唔识教当地语言注定唔会食到最地道嘅嘢 就好似呢一种小菜茶餐厅😂 anyway 最佳自认够大食嘅朋友去挑战吓
继续阅读
有半小时冇顶去，就入左路经小店美食廊，谂住食个平平茶餐抖抖。点了牛肉包，23蚊，算平。一直冇期望，直至饱黎到既时候，有惊喜㖞，已眼见牛肉唔少，好juicy.你知茶厅厅成日俾啲炸到脆脆黑黑干干既牛肉俾客人嘛，沙律酱少少，唔多，啱晒我呢啲怕肥人士。有两片蕃茄，新鲜爽口。成个份量配搭适中，个饱呢，按下去外面稍脆，入面松软。好喇，咬落去喇！霎霎霎声，又冇话碎到成枱系㖞，证明脆得冇过份干，仲有水份㖞。牛方面如我想像，真系juicy味美，一个手掌咁大既饱，好快俾我KO喇！有冇咁夸张？可能我好耐冇食过牛扒饱，感觉太满足，搞到平时少含蓄既我语气夸张左，不过点都好，23蚊餐黎讲，实在好值得帮衬。
继续阅读