德龍清湯腩 (已結業)

約左朋友仔食飯，但因為我個人「太熱愛工作」所以遲到，食唔到我地本身相約嗰間食肆！唯有邊行邊揀，見呢間食肆無咩人就入左去！
入到去被安排搭枱，都正常吧！不過因為座位同座位之間好迫，鄰座嘅食客走，坐出面嘅我就要起身讓路，前後數次，無得食安樂茶飯喔！
同朋友仔分開叫:)
鎮店雙寶湯米粉 (牛腩、雲呑)($39)
一上枱勁大陣清湯腩嘅味道，有好多牛腩同兩粒雲呑！牛腩好香好有牛味，但雲呑就普通啲，餡料多但無咩味！

南乳鮮豬手飯($40)
呢個朋友仔叫，有豬手有菜，感覺都ok，佢嘅食評係ok唔太咸！

整體都唔錯，如果多兩蚊有杯飲品會好啲！