德龍清湯腩 (已結業)

好多朋友仔都鍾意食呢到嘅清湯腩，但我最愛係佢地嘅金牌咖喱薯仔牛腩飯。舖頭唔係走偶像派路線，食物賣相未必好吸引，但味道有保證。佢地採用巴基斯坦咖喱，香口得嚟唔太辣，怕辣嘅朋友仔都可以放膽挑戰。牛腩除咗炆得林，亦都冇乜筋，可以盡情一啖一舊。配菜薯仔煮得啱啱好，吸收到咖喱味之餘又唔會一夾就散開。要撈埋咖喱汁個飯當然好緊要啦，舖頭個飯煮得比較硬身，撈咗咖喱汁之後，飯粒依然保持挺身，在意口感嘅朋友仔一定要嚟試試喇！…查看更多

星期6⃣️送咗女友去尖沙咀見朋友，自己1⃣️支公去長沙灣洗🚘，呢啲抗疫季節，人清潔之餘🚘都要清潔吓。放低架🚘話要等2⃣️粒鐘先🈶️🉐️拎🤦🏻‍♂️，咁就周圍貢吓喇，行過見到呢間話「金牌清湯腩」咁緊張，就👀吓🈶️幾掂。女友係抗疫先鋒，淨係比吔外賣同自己煮嘢食，趁佢唔喺身邊，偷偷吔。其實🈶️啲懷疑自己上世係1⃣️條草嚟，比🐮吔🉐️多，今世報仇所以好喜歡吔🐮，所以周圍揾🐮腩吔。嗌咗個肥腩米走蒽加炸🐠皮配凍啡多奶少冰，未吔過試肥腩去減低伏嘅機會，起碼柴極🈶️個譜，點知阿姐話：我哋全部係坑腩嚟，盡量肥比你喇。我心諗全部坑腩咁荀？👀吓價💰，3⃣️6⃣️🦟，🈶️坑腩？真定假吖？先嚟🐠皮，哇咁大兜1⃣️8⃣️🦟，我唔奉行大件夾抵食呢個概念，好食就算細兜都抵，難食你比🔟人份量我都係垃圾。🐠皮好淺色好薄，唔係話極香嗰隻，浸1⃣️吓湯拎上嚟，吱哩咋喇咁聲，正，薄而脆，口感不俗，唔太重口味。當然下1⃣️步試🐮腩，咦？又真係坑腩啵，揾舊肥啲嘅開⚽️先，🉐️！𣺉，香，0⃣️柴，又🈶️𡁻口，🈶️啲淡淡嘅胡椒香，心諗之前喺灣仔名店吔成7⃣️0⃣️🦟1⃣️碗坑腩米，重要半柴，揸🚘嚟呢度吔連油💰隧道都抵。特登擺耐啲先食啲瘦啲嘅，1⃣️樣掂，𣺉、香➕0⃣️柴，好⚽️。咁當然都🈶️膠嘢嘅，茶記難飲咖啡係正常，呢度1⃣️樣，最緊要係，所🈶️店員連煮嘢食嘅都🈚️帶😷，呢吓比女友見到實唔比我入去，希望唔好惹武肺換好味🐮腩喇😅時代抗疫💪🏻😷💪🏻…查看更多

約左朋友仔食飯，但因為我個人「太熱愛工作」所以遲到，食唔到我地本身相約嗰間食肆！唯有邊行邊揀，見呢間食肆無咩人就入左去！入到去被安排搭枱，都正常吧！不過因為座位同座位之間好迫，鄰座嘅食客走，坐出面嘅我就要起身讓路，前後數次，無得食安樂茶飯喔！同朋友仔分開叫:)鎮店雙寶湯米粉 (牛腩、雲呑)($39)一上枱勁大陣清湯腩嘅味道，有好多牛腩同兩粒雲呑！牛腩好香好有牛味，但雲呑就普通啲，餡料多但無咩味！南乳鮮豬手飯($40)呢個朋友仔叫，有豬手有菜，感覺都ok，佢嘅食評係ok唔太咸！整體都唔錯，如果多兩蚊有杯飲品會好啲！…查看更多

行過路過 , 見到這間 德龍清湯腩 , 於是就入去幫襯 , 諗住吃一碟咖哩牛腩飯 ~ 雖然是 lunch hour時間 , 但仍然有位坐 .... 我點了 咖哩薯仔牛腩飯 & 鹹檸七 ~咖哩薯仔牛腩飯 : 飯很大碟 , 咖哩都好大兜 , 不過薯仔煮得未夠時間而且未夠入味 , 咖哩汁煮得不夠濃稠 , 香料味道又不夠平衡 , 吃下去咖哩粉還未煮得均勻 , 而且還帶有苦澀味 , 真是失敗 .... 牛腩不是很多件 , 煮得不夠軟綿也不夠入味 , 真心覺得不好吃 ~咖哩薯仔牛腩煮得這麼難吃 , 還要以咖哩來做賣點 , 還真的有夠熱誠 ~本篇完 ~…查看更多

朋友說想吃德龍的潮州四寶，我也一起叫外賣了！打電話落單的時候才發現送外賣的叔叔沒有上班（也不是第一次了），變相要自取～🤷🏻‍♀️↑蕃茄湯豬膶鮮牛肉米粉：外賣其實是湯另上的，這點真的很好（雖然也更不環保）。蕃茄湯帶一點蕃茄肉，米粉很滑，這個很驚喜！豬膶切得比較厚，但煮得熟透而不韌。反而鮮牛肉比較參差，一塊較韌，另一塊肉質又較鬆，而且切得比較碎，但尚可接受。總的來說，還是一直在吃的牛三寶粉絲較好吃，質素也較平穩！…查看更多

今日想求其食碗湯米，所以就黎左呢間諗住食下雲吞米，牛腩米咁點知入到去，見到對面食緊呢碗蕃茄湯米，e...又好喎，好似都幾吸引，所以就叫左豬潤試試，同事就叫牛肉，兩碗同樣$35，雙拼都得架:)一黎到，見到啲豬潤好厚切，仲要有好多舊，嘩，睇黎冇叫錯，諗住咩都唔好講，食仲先講，點知熱到呢...好明顯真係即刻整，成碗湯米好多鮮蕃茄，再加上唐芹，真係好清新，再講啲豬潤，厚切得黎，因為啲湯仲好熱，所以一黎到見到有舊有微紅色，我即刻隊佢落啲湯到，一陣佢都熟埋，食落口真係岩岩好熟，好爽冇怪味，淨係得豬潤味，所以鍾意食豬潤既朋友真係值得試試，因為多蕃茄同芹菜關係，成碗邊食邊飲，真係正過呢到既雲吞麵…查看更多

好多小店都無做宣傳，其實都值得大家去捧場， 德龍清湯腩係其中一間。德龍主要係做清湯腩同咖哩，拿手好菜應該係「咖哩牛腩飯＋咸寧七」（＄60），好多人都有叫，但無諗住食咁多野，只係叫左個「招牌清湯腩河」（＄34），都相當滿意。湯：唔咸、無咩咪精湯既感覺。其實牛腩本身都有味，個湯唔駛太over～我最後仲飲哂D湯添。牛腩：都好"淋"，唔會咬唔開，而且無太熟。牛腩唔太少，但當然都無多左 XD野飲跟餐有平，但普遍要加十蚊。每日下午2-6會有個優惠時段（有豆漿飲），不過睇過無牛腩食，所以最後都無叫個D。店會提供清茶，問就有得畀架喇。服務態度阿姨都正常，店內有得睇電視，中午去食無咩人，我諗只要唔係繁忙時間有人等位，大家坐多陣都唔係問題。店內牆上菜式有D亂，如果無心水食咩既、有選擇恐懼症既人要小心，最好都係睇返menu喇。餐牌：…查看更多

咖哩牛腩飯唔錯，汁幾濃，比起其他港式咖啡香辣D，味道真材實料D，唔會水汪汪，薯仔好入味，不過牛腩可以再淋D，會仲正！清湯鮮牛三寶河料係靚嘅，不過唔知係咪清湯，硬係覺得唔夠入味，牛脷好淋，我個人覺得牛脷都係燒好食D，牛肚同牛腩正常，冇乜驚喜。佢有個乜鬼手工蒸餾咖啡，個名就改得好聽啦，不過認真麻麻，只係一杯苦水。…查看更多

成日經過呢頭都未食過呢間，可能因為覺得招牌唔夠吸引😂，但本身都幾鍾意食牛腩，又諗唔到食乜就試吓，牛腩唔肥膩，清清地幾好食，但蘿蔔一般般，幼麵底浸得剛剛好不過不失。…查看更多

剛巧路過，就去一試，這裏招牌的是咖喱牛腩飯，就叫了一個。他們賣的是巴基斯坦咖喱，沒有椰槳味，但很扎實，吃了只覺很香口，絕對沒有怪味。想起上環的 Tim Curry Box 也是一樣，巴基斯坦咖喱，其實是很好吃的。價錢也很經濟，再加一杯凍飲也只是加十元。另外也叫了魚旦，這種味道很懷舊，像是我小學時在學校吃的一樣。路過不妨一試，包你滿意。…查看更多

路經見到大大隻靚字寫住清湯腩，就行左入去。喊左個牛肉豬膶湯飯.等左一陣就到。湯有少少胡椒味，飯就係一塊飯餅，不過湯飯既飯多數都甘，都係要自己整散佢。牛肉都算鮮嫩，滑，但有幾塊好韌，所以算一般啦。豬膶則好爽，內裡粉嫩，十分好食。牛肉同豬膶既份量都幾多，所以都幾飽。總括而言: 豬膶> 牛肉>湯>飯。…查看更多

以前一直不太明白別人說的咖哩沒有咖哩味是什麼情況，沒想到這次真的親身體驗了一次！號稱自然是巴基斯坦咖哩，但就算是巴基斯坦咖哩也不會是完全沒有味道的吧？各位這可不只是沒有咖哩本身的香味道那麼簡單的，這咖哩乾脆就是連咸味都沒有啊！老闆你節省也不要把盬都節省了啊！咸味已經是一道菜的最低限度了好嗎？這裡的咖哩連咸味都沒有啊！！！一口吃下也吃不出到底是辣味還是只是單純的熱而已，但就算是光吃辣椒也比吃這份咖哩味道豐富是怎麼回事啊？真的不是說有黃色的湯汁就叫做咖哩的啊！咖哩是很多香籵混合而出神奇的味道，老闆就算是做不出正宗的味道也不要連咸味都沒有啊！我完全不明白老闆是何來的勇氣標價四十多元啊，份量也只是在白飯上有四十元的份量......我是真的想不到如何稱讚這道咖哩了，唯有推介喜歡吃清淡口味但又想吃咖哩的人就來嘗試吧...........…查看更多

都己成兩年冇經過呢頭.一早同阿媽"行山", 行完落返來, 當然有點餓, 找個地方坐坐先~ 今期食牛腩上左癮的我, 見到個招牌, 加上話係冇味精, 好似都試得過, 入內坐下先~原來除左招牌清湯牛腩, 仲有招牌雲吞麵~唔理LU, 維持原判, 叫個招牌清湯腩河!好快上. 食個蘿蔔先; 冇渣, 夠入味, 淋得黎又唔係淋到散閞, 很不錯;食塊腩, 味夠, 入口即溶, 唔太肥膩, 也很讚!加少少辣油, 也是另一種食法, 但辣味太搶了.河浸左一陣都冇索太多水, 仍有咬口. 不是太闊身的, 而係有D 似金邊粉的闊度, 很好味.服務方面, 阿姐都好好人, 好快手, 也夠晒笑容呢.呢餐也算很滿足了~…查看更多

在荔枝角工作了2個月, 辛苦野唔好講, 搵食至緊要! 繼上次試左區內可能係唯一一間印度餐廳之後, 今次試左呢間.門面係一般潮州粉麵店格局, 一次路過, 竟然見到佢標榜"巴基斯坦"咖哩! 至愛咖哩的我當然要去馬啦!第一次就咁睇佢牆上面的介紹: 咖哩薯仔牛腩飯 + 泰國青檸七 = $49, 太好味啦! 同我的至愛 -- 灣仔咖哩至尊 -- 的味道有8成相似! 唔同在於叫小辣我都覺得辣! 仲好快咁食晒至記得影相:食飽飽, 返去開工上網, 竟然搵唔到間舖同唔記得叫咩名, 上OR睇睇, 又唔類似食物相片, 於是有藉口再去啦~今次影返張MENU, 原來叫德龍今次試個牛三寶飯, 即係牛腩+牛肚+牛脷幾樣餸都似似地係本來是清湯煮好, 再加上咖哩汁煮煮至上枱咁, 牛腩就有4-5舊, 都大大件, 炆得唔夠淋, 亦可以話有趙頭, 牛肚就係金錢肚約6-7件, 平時食開唔係咖哩的, 加埋都幾好食, 牛脷就有幾片, 辣到食唔到咩味啦~ 反正醉翁之意不在牛, 淨得咖哩汁撈飯都覺得一流!今次叫咸檸七, 但係好似唔多咸咁. 食飯加$10就有特飲(比散叫平4蚊ONLY)…查看更多

工廠區內的清湯腩店，路過臭到牛腩湯的味道就走來試試，牛五寶是抄橋生龍清湯腩，要來一碗五拼，有水準就再來吃豬手，否則在這位置上止蝕。五寶即牛腩、牛尾、牛脷、牛肚及牛筋，分量是唔打得都睇得下，靚姐見大機放在檯上，二話不說加蔥，說影出來的效果會更好芸芸，在骨節位上是看得出對出品重視。湯舊熱，可惜味道偏淡，牛腩、牛尾肉質粗糙，火候上要花多些功夫了，而牛脷作薄切也是聰明做法，起碼比較易消化，如何可以的話，麻煩去掉皮層，這裡功夫省不得。埋單$40，話平唔平，質素有待改進，尤其是牛骨湯是不該為省成本加雞骨，導致味道不淪不類。…查看更多