影片
更多
2011-01-24
342 浏览
今有朋友係度擺喜宴，恭喜恭喜 ~ 所以有機會試一試皇潮匯到底是龍是鳳 ~ 一路行入主廳，見裝潢不錯，有歐陸色彩，亦甚有酒店架局 feel，只係樓底太矮啫 ~ 全場三十幾圍，有少許迫夾感，但還可以啦 ~ 進餐時侍底阿姐都算服務周到，都滿意既 ~鴻運脆皮孔豬全體，孔豬好 fit，不肥不膩，皮肉均衡，且皮脆肉嫰，皮燒得脆卜卜、肉鮮嫰咸香。伴碟有海蜇，味淡但爽口滑溜，如果跟麻油浙醋混和同吃，會更美味。金巢海中寶，西芹清炒明蝦、帶子及珊瑚蚌，雀巢係用伊麵炸成，無調味，無味架呢。海鮮非常新鮮彈牙，好味道。都知因為要煮好多圍，所以溫度只暖不騰，鑊氣欠棒，芡汁雖然較厚身，但只係剛剛包住海鮮，都算滿意。發財多子柱甫，有炸蒜子，炸得唔夠香口唔夠透，麻麻。發菜份晒較少，得幾束，味道偏淡，唔知會唔會只係仿發菜呢。乾瑤柱夠腍，海味味濃，勁好味，想全部食鬼晒去，哈哈。生菜，鮮甜爽口，正呀。黃金炸蟹拑，好彈牙既蝦膠又炸得香脆熱騰騰，食到唔停口，食完想繼續添食。蟹肉又香又彈，美味非常，點浙醋同吃，酸酸地，勁開胃，既可降溫又可以滅低熱氣感覺。螺頭鮮雞燉花膠，一味既環保又養顏又滋陰補腎既燉湯，超滿意，連飲兩碗。鮮雞味濃、
鴻運脆皮孔豬全體，孔豬好 fit，不肥不膩，皮肉均衡，且皮脆肉嫰，皮燒得脆卜卜、肉鮮嫰咸香。伴碟有海蜇，味淡但爽口滑溜，如果跟麻油浙醋混和同吃，會更美味。
金巢海中寶，西芹清炒明蝦、帶子及珊瑚蚌，雀巢係用伊麵炸成，無調味，無味架呢。海鮮非常新鮮彈牙，好味道。都知因為要煮好多圍，所以溫度只暖不騰，鑊氣欠棒，芡汁雖然較厚身，但只係剛剛包住海鮮，都算滿意。
發財多子柱甫，有炸蒜子，炸得唔夠香口唔夠透，麻麻。發菜份晒較少，得幾束，味道偏淡，唔知會唔會只係仿發菜呢。乾瑤柱夠腍，海味味濃，勁好味，想全部食鬼晒去，哈哈。生菜，鮮甜爽口，正呀。
黃金炸蟹拑，好彈牙既蝦膠又炸得香脆熱騰騰，食到唔停口，食完想繼續添食。蟹肉又香又彈，美味非常，點浙醋同吃，酸酸地，勁開胃，既可降溫又可以滅低熱氣感覺。
螺頭鮮雞燉花膠，一味既環保又養顏又滋陰補腎既燉湯，超滿意，連飲兩碗。鮮雞味濃、口感嫰滑。花膠質數夠好，彈牙且膠口，骨膠原補靚挸。螺頭補而不燥，滋陰補腎，咬落彈牙風鮮味濃，正呀。燉湯鮮甜美味，無得彈。比起食翅更實在、更有價值又保健。推介推介 ﹗
原隻蠔皇鮮鮑魚，味道口感應該係養鮑，味道沉實，且鮮味不足，口感有啲粗糙感。反而鮑汁小棠菜勁好味喎，鮮甜可口又清新呢。
清蒸大海斑，好新鮮，鮮味十足、魚味濃，蒸得剛好，口感嫰滑彈牙，今次又可以再嘗我最愛既面珠瞪肉呢，正呀。
當紅脆皮燒雞，點解近年啲酒樓唔再叫炸子雞架呢？依家再唔係子雞？皮脆肉嫩，都滿意啦，味道稍為咸左少少同埋略肥，不過可接受。
幸福炒飯，太濕又無鑊氣，差。
雙喜伊麵，又濕又淡口，太腍，失敗之作。
百年好合，即係百合紅豆沙及甜品糕點，可以啦。
张贴
