影片
更多
2023-03-11
296 浏览
介紹返💁🏻♀️。。🇭🇰 餃子 在太子 🇭🇰。豐信餃子店。汝州街17號地下A號舖。韭菜鮮肉餃。椰菜鮮肉餃。紫甘藍粟米鮮肉餃。小棠菜鮮肉餃。HKD38 @ 7 pcs。HKD45 @ 10 pcs白菜鮮肉餃。雲耳椰菜鮮肉餃。咖哩椰菜鮮肉餃。梅菜粟米鮮肉餃。南瓜粟米鮮肉餃。素餃。紫萊鮮肉餃。西洋菜鮮肉餃。麻辣白菜鲜肉餃。HKD40 @ 7 pcs。HKD50 @ 10 pcs薺菜馬蹄鮮肉餃。芫茜鮮肉餃。香菇鮮肉餃。芝士粟米鮮肉餃。HKD43 @ 7 pcs。HKD53 @ 10 pcs餃子雙拼 加HKD2 (以較高價錢計算)轉即煎餃 加HKD2邪惡金沙餃 加HKD16可以配 上海粗麵 ／ 幼麵／米線／米粉 / 薯粉 加HKD8 涼拌藕尖。HKD30涼拌海蜇。HKD22涼拌皮蛋。HKD20香煎豆腐。HKD18 @ 3 pcs🤫 偷懶咗兩日..襯星期六無嘢做交返啲功課先🤭 係～星期四晚出咗去同飯腳仔拍拖仔..佢喺公司樓下接我放工之後..我哋就搭地鐵去太子食一間我哋都想食好耐嘅排長龍餃子店撐吓枱腳..講緊嘅就係豐信餃子店嘞～🤫 等咗廿分鐘左右終於到我哋啦..豐信舖頭仔細細但都有廿零個位..所以大家
。
。
🇭🇰 餃子 在太子 🇭🇰
。豐信餃子店
。汝州街17號地下A號舖
。
韭菜鮮肉餃。椰菜鮮肉餃。
紫甘藍粟米鮮肉餃。小棠菜鮮肉餃
。HKD38 @ 7 pcs
。HKD45 @ 10 pcs
白菜鮮肉餃。雲耳椰菜鮮肉餃。咖哩椰菜鮮肉餃。
梅菜粟米鮮肉餃。南瓜粟米鮮肉餃。素餃。
紫萊鮮肉餃。西洋菜鮮肉餃。麻辣白菜鲜肉餃
。HKD40 @ 7 pcs
。HKD50 @ 10 pcs
薺菜馬蹄鮮肉餃。芫茜鮮肉餃。
香菇鮮肉餃。芝士粟米鮮肉餃
。HKD43 @ 7 pcs
。HKD53 @ 10 pcs
餃子雙拼 加HKD2 (以較高價錢計算)
轉即煎餃 加HKD2
邪惡金沙餃 加HKD16
可以配 上海粗麵 ／ 幼麵／米線／米粉 / 薯粉 加HKD8
涼拌藕尖
。HKD30
涼拌海蜇
。HKD22
涼拌皮蛋
。HKD20
香煎豆腐
。HKD18 @ 3 pcs
🤫 偷懶咗兩日..襯星期六無嘢做交返啲功課先🤭 係～星期四晚出咗去同飯腳仔拍拖仔..佢喺公司樓下接我放工之後..我哋就搭地鐵去太子食一間我哋都想食好耐嘅排長龍餃子店撐吓枱腳..講緊嘅就係豐信餃子店嘞～
🤫 等咗廿分鐘左右終於到我哋啦..豐信舖頭仔細細但都有廿零個位..所以大家都坐得好親密嘅..咁排隊等位嘅時候我哋已經諗定要食啲乜..所以一坐低就可以落單
🤫 我哋揀嘅三個冷盤首先上枱..包括係涼拌嘅海蜇皮蛋同埋藕尖..先講吓海蜇啦..佢嘅調味方法係有啲似上海海蜇頭..用咗些少嘅麻油同埋蔥花..雖然海蜇份量唔算多但係勝在夠爽口同埋條條都幾大條..然後就係我自己一個食晒嘅涼拌皮蛋..廿蚊雞竟然有兩隻咁多..蛋黃夠大粒仲有少少流心..之前成日聽人哋講子薑配皮蛋味道好特別..但係以前唔鍾意食薑所以一路都未試過咁樣食..不過自從有食Omakase之後就開始鍾意食薑..所以今次終於都試吓將皮蛋同子薑擺埋一齊食..Woa～果然係好特別喎👍🏻有少少甜有少少辣再加皮蛋嘅嗰種獨特味道..我愛上了🫰🏻
🤫 然後比較特別嘅就係我哋兩個都未食過嘅涼拌藕尖..藕尖外表好似一條條白荀咁樣..但係仔細睇中間又真係有蓮藕嗰啲窿窿..好迷你好Cutie..食落好非常爽口冇拉絲..飯腳仔話味道好似蕎頭喎..但係因為佢涼拌嗰隻辣椒仔嘅辣度驚人..所以我食咗兩條就放棄咗😆
🤫 大家都知飯腳仔偏食到一個極致..呢度咁多種餃子佢淨係可以食紫菜餃子同埋芝士粟米餃..咁為咗佢可以食晒佢鍾意食嘅嘢..又可以試晒湯餃同埋煎餃..紫菜餃就放湯再加一個上海麵底..而我哋試嘅三隻餃子裏邊..我最鍾意食嘅餃子亦都係呢一隻紫菜餃..紫菜味好香..餃子皮唔算太厚..最緊要係紫菜同埋鮮肉融合咗之後..會冇咗扯極都扯唔開啲紫菜嘅風險..然後呢度嘅上海粗麵彈牙掛湯..而豐信主打嘅椰子海帶鮮雞豬骨濃湯真係唔錯喎..椰子味好香..唔怪得有人會淨叫一碗湯飲啦
🤫 等我留返個重頭戲係最後先講..而家先講又係我自己一個隊晒嘅煎香菇鮮肉餃..老實講啦..佢嗰啲餃子大過正常舖頭嘅餃子兩倍有多..我哋其實係有啲後悔叫咗咁多隻餃子㗎..因為就算幾好味都好..真心食唔晒..最後我都係打包咗幾隻走..食埋香菇餃之後就知道.. 豐信嘅餃子大部份都將佢哋蔬菜嘅部份切得好幼細..近乎菜末..口感上你唔會食到菜嘅質地線條..但係正係因為呢個原因..嗰一種蔬菜嘅味道比起原粒嘅蔬菜更加香濃更加出眾..嗱～咁究竟你鍾意食香濃口味但係冇蔬菜口感嘅餃子啊..定一話相反呢..呢啲就好睇個人口味嘅
🤫 然後就介紹呢度超強嘅邪惡金沙餃啦～我哋千里迢迢嚟到呢度排隊食餃子都係因為飯腳仔非常之鍾意食所有鹹蛋黃調味嘅嘢食..之前無意之中俾我哋知道呢度有金沙餃子..所以必須要嚟呢度會一會佢..而我哋揀嘅餡料更加係最Heavy嘅芝士粟米餃🤭餃子一上枱我就聞到鹹蛋黃嘅嗰種香濃嘅鹹香..忍唔住即刻夾一嚿食..即刻辣親條脷..除咗外邊香脆熱辣之外..入邊嘅芝士仲可以拉絲㗎..好味到震..香脆嘅餃子皮加埋入邊香滑流心嘅芝士..仲有外邊粒粒脆脆嘅鹹蛋黃..雖然好飽同埋有啲漏..但係真心推介..(只要唔好好似我哋咁眼闊肚窄🥲成件事係Perfect嘅)
🤫 飲品方面..我哋叫咗一人一支菊花蜜..而呢度嘅自家製菊花蜜同出邊嘅好唔同..佢嘅甜度唔係好高..而且帶有好重嘅甘草味..有順喉潤肺嘅感覺..仲可以解到邪惡金沙餃嘅油膩感覺
🤫 終於明白點解無論晏晝抑或夜晚..每次經過豐信餃子店都咁多人喺度排隊啦..因為呢度啲餃子都真係性價比好高..價錢相宜味道又好..仲要隻隻足料..真係好大隻餃子啊..奉勸大家食量唔係太多嘅..叫七隻好啦😂
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
张贴
