盛記

買咗薑蔥雞同椒鹽排骨返屋企加餸，雞件大大舊，多汁夠香，唔單只啲雞，連啲薑蔥都搶清埋！椒鹽排骨好夠鑊氣，用嘅係青辣椒，加埋爆香咗嘅蒜頭蔥段，香氣撲鼻，當然亦都係清碟收場！兩個餸都超好味，食完唔覺口乾，應該無乜味精，讚！

寫單嘅阿哥好好人，我趕時間，麻煩快上，佢立即叫師傅先做我嗰兩個外賣，加多一讚！！

兩個餸夾埋都只係68文，重無收外賣飯盒錢，真係名副其實嘅 [平] [靚] [正]！！再加多一讚！！！