沙嗲王 (眾安街) (已結業)

有事要黎荃灣，見無人等位就食呢間。枱面張紙唔同左，無左野食，轉左要睇餐牌，不過好似少左好多野食，同埋大部份我食開既都售罄。避風塘軟殼蟹呢個係必食，平時會叫加倍，但老公喉痛所以叫正常就算。一樣咁脆同juicy，但好似無咁入味，唔知係今日失手定已經變差左。牛油雞翼又係煎炸野，但呢個又係好好味，好香牛油味，雞肉又夠滑。保持水準脆蝦棒今日淋左少少，唔太夠脆，但有啖啖蝦肉撘夠。沙嗲豚肉粉絲黎沙嗲王梗係要食沙嗲，雖然白咖哩豬扖飯出名d。但呢個都好好味，粉絲索哂沙嗲汁，不過豚肉少左d，得幾塊仔。印度薄餅我最鍾意食印度薄餅，呢度夠平仲跟咖哩汁，有啲餐廳唔跟咖哩汁要自己再叫碟咖哩。咖哩汁都夠大兜足夠點2塊薄餅，但今日個薄餅麻麻地，太濕。