皇廷酒家

以前呢間皇廷酒家唔錯㗎，唔駛等之餘，點心都算中上，價錢亦合理，唯一地點唔太方便，不過揸車就唔係問題，仲要通常都俾泊車券免小小泊車鐘！
而家，點心味道變差：鮮蝦菜苗餃個皮超厚、潮州粉果個皮仲衰，入口變漿糊！😖叉燒腸粉又係皮厚，啲叉燒係無燒烤過，好似普通豬肉、福建炒飯就又陣油味，不過已經係最好果樣！兩老食到咀歪歪🙁（我真不孝😞）。
埋單諗住叫佢俾泊車券，點知個部長話要食過$350先有優惠！一般4人家庭响呢啲中價酒樓飲茶未必飲到呢個數呀！你個場嘅優勢係吸引泊車人士，泊車無優惠就已經大打折扣，再加上食物質素變差，我哋即時同埋單嘅阿姐反映食物奇差之餘，泊車優惠都cut 咗，點叫人再幫襯呀！😡