亞金南洋茶室 (黃大仙中心南館) (已結業)

放左工8點幾返到黃大仙中心諗住耐無食呢間就幫襯下，門口見佢大大個廣告牌海南雞飯配例湯$39所以就揀左買外賣返屋企一人晚餐！當俾錢果時要加多2蚊外賣盒！等緊拎餐期間發現入面客人水靜河飛，而隔離幾間餐廳都坐爆人仲要等位！自己叫完都有點心知不妙既感覺！等左十分鐘左右就取餐啦，回到家滿心期待的打開飯盒，賣相已經一般般！例湯係冬瓜湯味道尚可，但海南雞的雞完全不新鮮而且油飯口感很爛又過鹹！曾幾何時呢間係我幾鍾意既餐廳，但唔知係咪轉左員工班底？無論味道同服務都大不如前，令人失望！