影片
更多
2019-05-21
57 浏览
今日來到上水食晚餐，呢間食館門面寬敞，坐位舒適，主打有點心、粥品、麵、飯和廚部美食。每張枱都有一壺茶,一壺水讓客人自己斟，店員親切地介紹咗幾個王牌點心給我們，上海小籠包、藥膳雞腳、譽小館蝦餃皇、黑松露帶子餃、順德雙皮奶等，我哋驚唔夠飽，自己再㨂多個香茜叉燒腸粉和木魚燒茄子。上海小籠包一籠有四粒，裡面有滿滿既湯汁同埋豬肉，一同上枱既醋汁裡面伴隨有薑絲，在小籠包中間篤個窿將醋汁倒入去，熱辣辣咬落去，肉和湯汁迫哂出來，好傳統既小籠包味道。藥膳雞腳裡面有龍眼肉、黨參、紅棗、杞子，主打當然係炆到好淋，好入味既雞腳啦，望住湯面已知膠質豐富，簡直係女人既恩物，平常食多啲補充骨膠原，皮膚都靚啲。 望到木魚絲就會諗起日本既章魚小丸子，不過呢味唔係章魚燒，而係煎釀三寶中的魚肉釀茄子，魚肉煎到香香地，茄子就外脆內軟，加埋木魚絲同埋燒汁好美味。譽小館蝦餃皇，簡而言之就係超大粒既蝦餃，面皮晶瑩通透，咬落爽口彈牙，而且仲啖啖肉好飽肚。黑松露帶子餃，黑松露大家都知好矜貴，食落味道有少少似蘑菇味，加上有一種獨特既芳香味道，鹹鹹地咁樣，帶子就大大粒，下面係蝦餃來的，一個點心食到三種唔同既味道 ，正。香茜叉燒腸粉一碟有三
今日來到上水食晚餐，呢間食館門面寬敞，坐位舒適，主打有點心、粥品、麵、飯和廚部美食。每張枱都有一壺茶,一壺水讓客人自己斟，店員親切地介紹咗幾個王牌點心給我們，上海小籠包、藥膳雞腳、譽小館蝦餃皇、黑松露帶子餃、順德雙皮奶等，我哋驚唔夠飽，自己再㨂多個香茜叉燒腸粉和木魚燒茄子。
上海小籠包一籠有四粒，裡面有滿滿既湯汁同埋豬肉，一同上枱既醋汁裡面伴隨有薑絲，在小籠包中間篤個窿將醋汁倒入去，熱辣辣咬落去，肉和湯汁迫哂出來，好傳統既小籠包味道。
藥膳雞腳裡面有龍眼肉、黨參、紅棗、杞子，主打當然係炆到好淋，好入味既雞腳啦，望住湯面已知膠質豐富，簡直係女人既恩物，平常食多啲補充骨膠原，皮膚都靚啲。
望到木魚絲就會諗起日本既章魚小丸子，不過呢味唔係章魚燒，而係煎釀三寶中的魚肉釀茄子，魚肉煎到香香地，茄子就外脆內軟，加埋木魚絲同埋燒汁好美味。
譽小館蝦餃皇，簡而言之就係超大粒既蝦餃，面皮晶瑩通透，咬落爽口彈牙，而且仲啖啖肉好飽肚。
黑松露帶子餃，黑松露大家都知好矜貴，食落味道有少少似蘑菇味，加上有一種獨特既芳香味道，鹹鹹地咁樣，帶子就大大粒，下面係蝦餃來的，一個點心食到三種唔同既味道 ，正。
香茜叉燒腸粉一碟有三條，檯面有調味料，甜豉油就可以根據自己的口味另上，係幾飽肚既點心之一。
順德雙皮奶，其實就係薑汁撞奶，又白又滑，有好濃沃既薑味。如果喜歡食薑既朋友，一定唔可以錯過啦 !
张贴
