譚仔三哥米線 (已搬遷) 新店位置

聽朋友講譚仔三哥最近推出蕃茄湯米線，就一於去試下，譚仔三哥一直以來都係中中等等，沒有甚麼特別，蕃茄湯底可算是係一個新搞作。我叫左碗雞肉蕃茄湯米線。蕃茄味香濃，但蕃茄散爛，可能浸湯時間過長，但蕃茄味酸甜，配上微彈的米線，唔錯嘅。不知是否蕃茄味濃郁，雞肉份量較少，且比蕃茄味覆蓋，雞肉有香濃蕃茄味。而我朋友則叫左腩肉竹笙蕃茄湯米線三少辣。大大份紅色嘅米線，蕃茄味本身酸甜，加上些辣湯，更加開胃。腩肉偏少，米線軟韌度適中，都唔錯。加上一碟細嘅紅油青瓜，香辣程度可以按食客選擇，而我就選擇適中，微辣爽甜嘅青瓜配上蕃茄米線，唔錯。