怡紅院火鍋料理

营业中

休息中

平時去開中環 Happy Hour 都會係蘭桂坊附近飲野，原來行上去雲咸街有一間充滿濃厚中國特色既火鍋店門口己經相當吸睛，古色古香樓青樓設計風格，大紅燈籠高高掛，加埋怡紅院招牌，視覺已經非常搶眼，今晚點都要入去滾番晚餐廳樓高兩層，地下一邊係型格酒吧，提供雞尾酒、清酒及各式紅白美酒，另一邊係中國庭園風既雅座，坐位寬敞舒適上層以同樣以中國風設計，仲設有包廂，一大排朋友上黎"滾一滾"都無得頂餐廳除左設計有特色，而且仲玩味十足，賣身契、怡紅寶鑑、濕紙巾、豉油樽都可以用黎打卡另外店員服務殷勤有禮，態度主動好客，值得一讚食物方面 :養顏濃厚花膠雞鍋 : 上枱已經聞到花膠雞湯既香味，首先服務員會比大家慢慢享用花膠雞湯先，湯底用上原隻滑雞加上花膠熬製，雞湯膠質重，味道香濃勁 creamy，充滿骨膠原，足足飲左三碗湯同埋食埋隻滑雞先開始打邊爐，湯入便仲有好多舊花膠仔，夠曬足料，真係飲湯都飲到飽左一半手切本地牛頸脊 : 上枱擺盤吸睛，牛頸脊脂肪分佈平均，入口軟淋，牛肉味濃郁，新鮮有咬口西班牙黑毛豬豚肉 : 豚肉厚切，肉質鬆軟，肥瘦適中，味道濃郁，啖啖肉珊瑚蚌 : 珊瑚蚌好大塊同埋份量多，輕輕一灼，口感爽脆