銓滿記餐廳小廚 (已結業)

今日幾丁友經過呢間食小菜小炒晚飯，睇過之前啲食評都知佢地一向都出名係食煲仔飯，所以就必叫嘅。不嬲出名嘅唔多講喇，講下我地叫左其他嘅小菜先！首先有，避風堂炒辣蟹 色香味俱全，啲炒蒜茸好食，唔算話好辣，適中嘅蟹都可以，不過可以再入味啲！再黎隻燒BB乳鴨乳鴨一向都係我嘅至愛，皮脆多汁，不過細隻左啲，價錢都唔係特別平。。。。其餘就叫左米線，海蝦粉絲煲，同埋一個燉豬骨湯湯嘅賣相，茶餐廳黎講算係咁，但味道就唔好要求咁多喇。話係老火湯，但都係味精味 整體黎講OK, 煲仔飯同飯焦嘅食法好聰明，反轉做飯焦蛋糕黎係有心思！好似食米餅咁！ 不過可惜我唔記得左影相，今次同唔到大家分享，要自私食，嘻嘻嘻！