影片
更多
2016-01-22
602 浏览
有時有一種幸福是：食住美味既合胃口食物，飲住大大啖既透心涼啤酒，然後同朋友高談闊論彼此嬉鬧☺️呢一種小幸福，無形，但值得擁有。要擁有這一小確幸其實都唔容易，需要配合到天時（食物）、地利，人和😌唔講笑，相信大家幾乎一定試過：環境靚靚服務好好但食物難食 or 環境不錯食物好味但服務態度差到想車服務生一巴 or ...............等等。今時今日，出去食飯，期待值其實都已經降底左好多，怕中伏，怕睇面色，怕難受...............想食餐開心既，其實都唔容易架 前陣子，難得地，同朋友仔聚一聚一齊去食川燒，爽爽地飲啤酒食野傾計。由於我係半個日本妹嚟架嘛，所以已經成日都食日式串燒，食得多已經無咩感覺啦😅家常便飯咁，但偏偏中式的串燒印象中好少食過，加上我嗜辣既，所以一向都好鐘意食川菜。（突然諗起，小時候我去過四川睇熊貓）呢間川燒係我少數覺得係有質素既一間餐廳，可能大部分食物都岩我胃口既關係啦，所以我覺得大部分都好好食既！👏🏻👏🏻食左幾樣都忍唔住讚好味，有位朋友聽到表示好驚訝，因為我好少讚好味😂😂呢個估佢唔到好好食！！！綿花糖朱古力厚多士，又一個港男港女最愛～～厚多士上放上綿花
要擁有這一小確幸其實都唔容易，需要配合到天時（食物）、地利，人和😌唔講笑，相信大家幾乎一定試過：環境靚靚服務好好但食物難食 or 環境不錯食物好味但服務態度差到想車服務生一巴 or ...............等等。今時今日，出去食飯，期待值其實都已經降底左好多，怕中伏，怕睇面色，怕難受...............想食餐開心既，其實都唔容易架
前陣子，難得地，同朋友仔聚一聚一齊去食川燒，爽爽地飲啤酒食野傾計。由於我係半個日本妹嚟架嘛，所以已經成日都食日式串燒，食得多已經無咩感覺啦😅家常便飯咁，但偏偏中式的串燒印象中好少食過，加上我嗜辣既，所以一向都好鐘意食川菜。（突然諗起，小時候我去過四川睇熊貓）
呢間川燒係我少數覺得係有質素既一間餐廳，可能大部分食物都岩我胃口既關係啦，所以我覺得大部分都好好食既！👏🏻👏🏻食左幾樣都忍唔住讚好味，有位朋友聽到表示好驚訝，因為我好少讚好味😂😂
呢個估佢唔到好好食！！！綿花糖朱古力厚多士，又一個港男港女最愛～～厚多士上放上綿花糖，將綿花糖燒到半溶再加上朱古力醬，外脆內軟，再加埋香蕉片食，幾正啊！雖然對唔好甜既我來講，仍是有點過甜了
燒菠蘿～～～～我至鐘意食，去到邊都好，我都最愛食燒菠蘿了川燒都唔例如，鮮甜好多汁
呢度既海鮮都幾值得一試～
牛肋骨，食呢個食得出廚房既用心，幾好味道呢，而且燒牛肋骨賣相好靚，雖然口感略韌
其實餐廳開左已經都有幾年，幾年來都0負評其實係勁既，可惜好似都比較少人知有呢間餐廳，唔係朋友帶我地去食，我未見識過（宅女係好少出門既）食完真心大部分都覺得唔錯，值得推薦大家去試一試☺️但最好就同幾個好朋友去食啦～因為個環境同服務同食物話比我知，呢度擺明岩三五知己開心地「促膝把酒傾半個通宵應該夠，我有痛快過你應該也有」既好地方。因為係有啲似居酒屋既😂
川燒主打惹味川式燒烤，食物辣中帶麻。但都有迎合香港人口味，唔會太麻或太辣
大大條～～蟶子！！！！爽口彈牙新鮮，非常好食。
除左傳統四川燒烤外，仲有大量創新食物，係食物好多方面都可以睇得出創意同誠意
Anyway 我都會再幫襯！😎😎等我食多次，睇下係咪咁值得推薦先（80%餐廳第一次食覺唔錯，第二次已經變食垃圾，唔知呢間餐廳會唔會係少數既20%呢？會保持水準）我都好期待，聖誕節前後時間去食多次先
张贴
