Lab Eat Bistro (豉油街) (已結業)

之前已經同朋友嚟過幾次，呢到嘅嘢食非常好味，而且價錢一啲都唔貴，加埋侍應好嘅服務🥰所以今晚又來呢度開餐😍🉐鵝肝二重奏 🦢；鵝肝整得非常好食😋鵝肝煎到漲卜卜。成舊都充斥着香噴噴嘅鵝肝味😍配埋香脆多士一齊食，啱啱中和返個濃郁嘅味道。鵝肝醬口感幼滑，同樣地都係有濃郁嘅鵝肝味，同多士係絕配！🉐西班牙紅蝦薄切 🦐;。超精緻嘅一道菜！唔單止賣相靚，而且味道都非常好👍🏻有超濃郁嘅蝦味，再加埋自家製嘅醬汁。令到蝦肉嘅味道更加提升。超級好味😋🉐單飛雞翼 (腐乳味) 🐓；鍾意食雞翼嘅我，嚟到一定要叫呢度好出名嘅單飛雞翼。雞翼炸到非常脆，咬落口有陣陣嘅腐乳味。非常惹味🥰🉐頂級牛腰扒🥩； 呢個牛扒又係一定要食嘅菜式！勁厚嘅牛扒煮到啱啱好！唔會過熟，佢嘅牛肉味比普通牛扒重， 而且肉質比較淋，咬落去非常Juicy。咬同切都唔使用點用力。呢個真係堅有驚喜👍🏻🉐馬拉盞椰菜仔🥬； 佢個煮法非常特別。將兩樣嘢食一齊焗。椰菜仔索哂馬拉盞嘅味道。整得非常入味👍🏻口感同味道真係一流！😍呢間餐廳真係食幾多次都厭，值得不停encore😍