以呢度o既食物質素, 份量, 環境同服務, 價錢對比起上黎真係好超值
每個月都一定至少黎一次.. 慶祝節日時會黎, 諗唔到食咩時又會黎...
不過 .. 都係掛住佢以前o係1期o既店面多d ~
呢度提供好多上海傳統菜式, 時不時都會有新菜式加入~
為食o既我地當然唔會叫太多粉麵類, 咁先有位食多d其他菜式~
幾乎每次黎都會叫o既鎮江排骨 $62 鎮江汁醃得夠入味, 酸酸甜甜好開胃
肉燜得好淋, 連骨都咬得開, 雖然細細碟, 但其實排骨o既數量唔少呢 !~
雞火炒飯 $76 我地落order時叫o左少油.. 員工果然有聽入耳
飯粒分明, 火腿同蛋香中間亦夾雜住香蔥o既清新 ~
1
1
山東手抓餅 $30 呢個小食都係我地o既至愛! 邊邊位香脆, 內裡煙韌, 加埋淡淡蔥香, 好自然會愈食愈多;P
一整條松子桂魚都係$188, 比起同類型餐廳o既同樣菜式平得多....
調味好足, 每一啖食落口都食到濃濃o既甜酸味, 亦都落左好多好多松子o係面 !!
魚炸得香, 放耐左都未覺有腥味 特別鐘意食拌碟o既蕃茄粒 =D
上海小籠包 $36 都係每次黎o既必點~ 雖然個人對呢一類皮包肉o既食品類無特別大興趣
但我鐘意呢度o既小籠包有好多湯汁 好鮮甜..正!
要襯熱食.. 又要小心辣親口 ;DDD
其實未食 炸銀絲卷 $22 時已經開始飽.. 再食埋, 成晚都頂住頂住..飽住咁過新年
因為食過更加好味o既銀絲卷, 所以覺得呢個可以做得再精緻d
外皮可以薄d 幼絲可以再幼d多d ;P
加埋$6/位茶錢 4個人總數都係 $481 已經食到好飽
侍應好主動加茶, 見到掛左外套o係椅背仲會好快拎佢地餐廳o既椅套套住件衫唔使整污糟
同埋有禮貌, 動作快 ~!
所以翡翠幾時都係我地o既首選 ^^
