永利餐廳 (已結業)

新開張以來嚟過呢間餐廳已經好多次，終於响OpenRice找到了它 - 永利餐廳。今日又嚟食晚飯，見到差不多每張枱都有點蒸魚食，所以自己也叫了一條。呢度老闆話每日下晝都會去揀魚返嚟做晚市，見到乜嘢新鮮就入貨，難怪枱枱都有叫。叫了一條清蒸細鱗，果然沒有失望，响呢頭啲餐廳真係好難食到鮮魚，知道呢度有真係附近街坊一大喜訊。再叫了一碟滑蛋虾仁，好食，嚟咗咁多次都知道呢間嘢嘅小炒一向OK。其實一間高級茶記都有咁嘅水準，價錢又公道，你仲想點？