Inn Side Out

营业中

休息中

近日秋天到，開始有少少涼意。朋友話好耐冇去Inn side Out食飯，諗起可以坐係Outdoor吹風食飯，的確係一個唔錯的建議，就立即收工去南華會。可能天氣轉涼環境比較舒服，竟然罕有地見到成間餐廳近乎爆滿。好彩我地3個人，重可以搵到一張台坐低大約15分鐘左右就見其他顧客開始要等位，真係幸運。Sweet potato fries係全晚最驚喜的一道。真心有驚喜嘅炸蕃薯條，炸得非常香口，每條既粉漿唔厚，但係完美地包住蕃薯條，唔會流失甜味。蕃薯條本身非常甘甜，好香蕃薯味，吃到唔停得。堅正！炸薯條就正正常常冇咩特別，正常味道。但係比較起炸蕃薯條就冇咁有驚喜。披薩材料有意大利辣香腸，香腸，蘑菇，番茄同埋橄欖。薄批的設計同埋一開16的切法，令人可以一啖一塊Pizza，好方便。味道濃郁，Mushroom的味道最搶眼。豐富嘅芝士溶入通心粉中，加上煙肉、蘑菇、火腿等材料，每一啖都係滿足感，啖啖都食到濃郁嘅芝士味。味道不會太咸，但係口味非常濃厚！滿足一磅的Hot Wings，真係一班食肉獸的最愛。雞翼唔算好辣，但係味道夠哂惹味，唔錯既選擇。