楓．新日本料理 (已易手) 新餐厅

兩個人唔知食咩好，成日行經此食肆，抱住試試嘅心情入去喇。入內後，完全唔需要等位，同時完全冇侍應招待你，因為全餐廳原來得兩個人工作。因為有枱係訂咗位，我哋被編排至餐廳最入嘅位置。當然靜靜哋都唔錯。睇咗餐牌好耐，完全冇頭緒食咩，因為所有嘢都係普通日本餐廳有嘅，完全唔係其他食家有嘅驚喜，價錢亦係普通日本餐廳嘅價錢，而且我哋兩個人又食唔晒兩個餐，小食選擇唔多。最後都叫咗個牛柳粒定食同淨手打烏冬。牛柳粒定食$8x-牛柳粒偏咸，洋蔥過生，蓋過晒牛柳汁嘅味。淨手打烏冬$4x（餐牌上冇嘅項目）-完全唔係手打，加埋湯非常咸。喺差不多食完之際，訂咗枱嘅兩位到喇，佢哋坐低後即俾個唔知老板定侍應問點搵到佢哋餐廳，話自己好後悔喺土瓜灣開舖，大部分食材其實都要打俾佢哋預訂先有得食……Oh, 其實你想點呢？我想靜靜哋食餐飯，放咗工想搵個地方hea下，都咁難嘅咁嘅價錢可以喺好多地方食到更好的。