沙嗲王 (錦薈坊)

营业中

休息中

對上一次食沙嗲王，已經係讀緊書嘅時候，嗰時貪佢夠平，食完又成日送嘢，又優惠券又辣椒油咁，啲券用極都用唔完，感覺划算。時至（幾年後嘅）今日，個價錢都冇話嚇親人，而白咖喱香茅豬扒飯已經榮升做三巨頭之一，本身仲諗住試佢個酸菜魚，都俾佢個名震懾到揀返白咖喱飯。Menu仲有啲二人餐，有埋飲品，甜品，青菜咁。白咖哩味道同以前嘅一樣，都係甜甜地，送飯一流，煎豬扒就好似比印象中薄咗啲啲。同行友人就叫左叫白咖喱吉列豬扒蛋包飯，大大份夠晒飽肚。