影片
更多
2005-12-01
15 浏览
一、要遷就各方好友﹐選了尖沙嘴區﹔二、諾士佛臺個個都來過﹐就呢度喇﹔三、未同大夥兒吃過泰國菜﹐就佢喇-------結果﹐千揀萬揀﹐揀著個爛燈膽﹐晒鬼晒我D電﹗點了醬燒豬肋骨、大蝦柚子沙律、馬拉盞通菜、海鮮炒米粉。呢度唔供應免費水﹐當然我的朋友唔會因為冇免費水而嘮嘈﹐仲好大方咁叫左一支蒸餾水(大家學下喇~~)。我覺得D人好奇怪﹐覺得叫水飲好唔抵﹐咁你想飲就要飲架喇﹗我要了一杯可樂﹐另一友人就特別D ﹐叫左個薄荷茶﹐用壺上比佢﹐我試了少許﹐聞的清香比喝下去更濃烈。食物算唔錯﹐醬燒豬肋骨好香口﹐皮脆肉嫩﹐柚子沙律都好新鮮﹐不過我唔太鍾意食柚子﹐海鮮炒米粉都好﹐不過海鮮料很少﹐有點欺騙觀眾成份﹐米粉都炒到好爽口﹐反而最簡單的馬拉盞通菜﹐我就覺得麻麻。對於蔬菜呢樣野﹐我要求最高﹐菜唔可以爛﹐唔可以唔新鮮﹐唔可以洗得唔乾淨﹐唔可以淨得框冇葉﹐呢個菜就每個缺點都犯少少﹐但又唔係好嚴重﹐我估除左我﹐冇朋友會食得出架喇~~~嘻﹗食完飯後還很早﹐大家當然吹下水﹐咁就出事喇。首先﹐到了九點﹐個侍應姐姐過來說要我地先埋左張單﹐因為九點後有live band ﹐有人來飲野﹐要收什麼果盤費﹐你地食飯唔駛﹐但要先埋
點了醬燒豬肋骨、大蝦柚子沙律、馬拉盞通菜、海鮮炒米粉。呢度唔供應免費水﹐當然我的朋友唔會因為冇免費水而嘮嘈﹐仲好大方咁叫左一支蒸餾水(大家學下喇~~)。我覺得D人好奇怪﹐覺得叫水飲好唔抵﹐咁你想飲就要飲架喇﹗
我要了一杯可樂﹐另一友人就特別D ﹐叫左個薄荷茶﹐用壺上比佢﹐我試了少許﹐聞的清香比喝下去更濃烈。
食物算唔錯﹐醬燒豬肋骨好香口﹐皮脆肉嫩﹐柚子沙律都好新鮮﹐不過我唔太鍾意食柚子﹐海鮮炒米粉都好﹐不過海鮮料很少﹐有點欺騙觀眾成份﹐米粉都炒到好爽口﹐反而最簡單的馬拉盞通菜﹐我就覺得麻麻。
對於蔬菜呢樣野﹐我要求最高﹐菜唔可以爛﹐唔可以唔新鮮﹐唔可以洗得唔乾淨﹐唔可以淨得框冇葉﹐呢個菜就每個缺點都犯少少﹐但又唔係好嚴重﹐我估除左我﹐冇朋友會食得出架喇~~~嘻﹗
食完飯後還很早﹐大家當然吹下水﹐咁就出事喇。首先﹐到了九點﹐個侍應姐姐過來說要我地先埋左張單﹐因為九點後有live band ﹐有人來飲野﹐要收什麼果盤費﹐你地食飯唔駛﹐但要先埋左條數﹐你地可以慢慢坐。咁冇問題丫﹐埋單咪埋單囉。
接近九點半﹐人開始多﹐不少人只係來飲野﹐開紅酒/食雪咖﹐全場連我地坐緊的露天位﹐都full晒。個侍應姐姐又來講﹕可唔可以換過另一張檯﹖因為他們想將我地張四人檯﹐併一張細檯做大檯。我朋友就開始發怒話喇﹕算喇﹐算喇﹐咁走喇﹗你係要換檯既﹐一早埋單時講丫嘛﹗
我地離開時﹐個個侍應排晒隊咁同我地講對唔住。不過﹐咁樣叫客人換檯係好差的做法﹗我記得好多年前﹐自己仲未出來做野﹐同朋友去吃飯﹐個知客又係叫我地換檯﹐結果我叫朋友一毫子貼士都唔比。今日我同朋友都仲好記得呢件事﹗教訓係必須要吸取的﹗
差D唔記得講﹐呢度環境麻麻﹐露天位的藤椅坐到好騰愣﹐四處圍上D假花就扮花園﹐實情係餐廳四週都比D商業大廈包圍住﹐好鬼侷束﹐我估坐地下的露天餐廳位會重好好多﹗
张贴
