影片
更多
2017-02-07
125 浏览
秋田兵燒食堂尖沙咀諾士佛臺 15 號 一間喺諾士佛臺比較大既食店， 1 樓有bar, 二樓有西餐 , 而三樓係bar加日本野， 我去食3 樓既日本野 坐既位置同日本餐廳一樣 以木枱櫈為主首先近排做緊promotion <一手蝦>一手可以喺盤攞到幾多隻蝦就free, 我隻手大 拎到10 隻 於是5 隻做刺身 ,.5 隻做燒烤， 蝦肉係冰鮮 但勝在啖啖肉 同幾夠蝦味 而且膏都夠鮮 十分唔錯 如果食燒烤會點埋海鹽同七味粉 更惹味 之後點左 佐酒小食成田鰻魚柳 108 鰻魚切成小件 上面既燒汁令到鰻魚好香 食落外脆內軟 筋位有適當既魚油 正一番搾 kirin生啤 48 Kirin生啤 麥味偏少 泡身偏滑 生啤味道更加清新 食日本野十分match 藍妹生啤 45 蚊藍妹平時就飲得多， 生啤第一次飲 , 因為生啤所以十分清新 而且冇左啤酒嗰種gip味 個人都覺得幾好味七味魔鬼魚翅 58魔鬼魚食過 但未食過燒成軟 成碟魔鬼魚切得 好幼身 上面配上七味粉有少少辣度， 而仲有蜜糖 再加上魔鬼魚乾嗰種甘煙韌既口感 食落甜甜辣辣 送酒一流！串燒併盤 158 有華美雞柳 仙台厚切牛舌 赤海
尖沙咀諾士佛臺 15 號
一間喺諾士佛臺比較大既食店， 1 樓有bar, 二樓有西餐 , 而三樓係bar加日本野， 我去食3 樓既日本野 坐既位置同日本餐廳一樣 以木枱櫈為主
首先近排做緊promotion <一手蝦>
一手可以喺盤攞到幾多隻蝦就free, 我隻手大 拎到10 隻 於是5 隻做刺身 ,.5 隻做燒烤， 蝦肉係冰鮮 但勝在啖啖肉 同幾夠蝦味 而且膏都夠鮮 十分唔錯
如果食燒烤會點埋海鹽同七味粉 更惹味 之後點左 佐酒小食
成田鰻魚柳 108
鰻魚切成小件 上面既燒汁令到鰻魚好香 食落外脆內軟 筋位有適當既魚油 正
一番搾 kirin生啤 48 Kirin生啤 麥味偏少 泡身偏滑 生啤味道更加清新 食日本野十分match
藍妹生啤 45 蚊藍妹平時就飲得多， 生啤第一次飲 , 因為生啤所以十分清新 而且冇左啤酒嗰種gip味 個人都覺得幾好味
七味魔鬼魚翅 58魔鬼魚食過 但未食過燒成軟 成碟魔鬼魚切得 好幼身 上面配上七味粉有少少辣度， 而仲有蜜糖 再加上魔鬼魚乾嗰種甘煙韌既口感 食落甜甜辣辣 送酒一流！
串燒併盤 158 有華美雞柳 仙台厚切牛舌 赤海老 大板爆汁辛辣腸 可以點以側邊既檸檬汁
牛舌大塊厚切煙韌入味， 海蝦大大隻夠新鮮 而且用鹽燒既手法 所以燒得十分惹味 蝦肉亦保留應有既肉汁， 燒雞肉用汁燒既方式 雞肉十分有口感 而且甜醬汁亦同雞肉配合無間， 辣醬十分juicy有淡淡辣香 味道偏咸。整體送酒好適合
浪花家鯛魚柳 98 鯛魚柳燒得好香 而且金黃色 魚柳中間位既肉有好香魚味 而且十分有口感 側邊係比較長既碎骨 連魚好多魚脂肪 如果唔怕*算 骨既朋友一定要食埋 可點以少少燒汁同檸檬汁增加口感
人氣蟹味噌甲羅燒 68 一上枱係一個蟹蓋 上放左蟹肉 蟹膏 鵪鶉生蛋 然後將全部野打混 放上慢火燒大慨10 分鐘 放入去威化餅上面一齊食 一食落去充滿住蟹肉蟹膏既鮮味 而且因為有蟹肉都以同餅一齊食好有口感 幾特別既菜式
札幌筒魷魚 78 原隻燒魷魚筒 魷魚筒算大 切成一片片薄片 . 口感十分煙韌彈牙 而且食到魷魚十分新鮮 , 配上甜既燒醬汁 十分惹味
赤豚柳泡菜烏冬鍋 128 好大鍋既烏冬 烏冬係比較闊身 所以食落好彈牙 同有口感 入面有薄切既豚肉 脂肪比較多 食落好香豬肉味 仲有椰菜 小棠菜 冬菇等等 重點係個湯底整得好好味 甜得黎有d辣同酸 食落開胃之餘亦被鍋入面既食物吸哂 湯汁 整體好好食
當季壽司盛 228壽司併盤 有三文魚 池魚 鯛魚 油甘魚 帶子 等等 每一件壽司都落足料 一舊細細既飯上面有兩件 所以望落已經好開心 尤其係帶子十分新鮮 , 油甘魚充滿油花 三文魚好軟熟 飯粒軟熟身而且帶有少少醋酸味 係喺日本食開既壽司米 而配角豉油咸度適中 配上少少 不易鬆散既wasabi , 值得點！
食物整體質素高夠特別 煮亦煮得唔錯 環境舒服 以諾士佛臺黎講價錢合理 值得試下
张贴
