圓山台灣料理 (已結業)

每次去諾士佛台都會見到呢間圓山台灣野，一路都留意到，但無衝動去食。直至朋友話呢間台灣野係好食架，我先同佢去試下。我地叫咗台灣花雕醉乳鴿、雙拼- 鹽水雞同台式鴨舌、蝦皇大白菜、台南擔仔麵。花雕醉乳鴿都幾好食，平時嘅花雕乜乜乜嘅酒味都幾濃，苦澀味會蓋過肉味。但呢個乳鴿肉味尚在，而花雕留喺喺香味同最後嘅回味度，所有野都恰到好處。雙拼嘅出現就最岩我地呢啲眼闊肚窄嘅人。雙拼嘅鹽水雞同鴨舌，兩個人食份量剛剛好。鹽水雞味道唔錯，雞蛋裡挑骨頭硬要講就係雞肉唔夠嫩滑。鴨舌有少少辣，作為前菜開下胃口都幾好。蝦皇大白菜個樣同餐牌個樣好唔同，啲蝦排得無咁靚架。味道方面，懷疑啲蝦係冰鮮蝦，即使隻蝦大大隻，但都夾住一陣冰鮮味，仲要無挑腸，大打折扣。最後嘅台南擔仔麵。之前多數都係食上海嘅擔擔麵，台南呢個似魯肉加麵。份量少少岩岩好一個人食。