店員知道我第一次試，推介了招牌的芒果溶心芝士蛋糕，話好多客人食過都話正。蛋糕上面放滿了大大粒芒果粒，用芒果啫喱包著。蛋糕中間是軟身的半熟芝士，最底層是朱古力海綿蛋糕。每一啖都有哂咁多層口味，芝士味重但又唔會搶走芒果味道，芒果非常甜。雖然晚餐已吃得好飽，但我同老公倆也可以食了半個芝士蛋糕！
店員還推介了新推出、跟忌廉哥cross-over的兩款杯裝半熟蛋糕。女店員非常貼心，先問我能否半小時內回到家中放入冰箱。杯裝蛋糕有蜂蜜味及朱古力味兩款。我選了蜂蜜味，外層蛋糕鬆軟，中間是蜂蜜流心，很特別。下次要試埋朱古力味可以儲齊一套忌廉哥杯！
