板長壽司 (已結業)

睇完戲諗住去食午餐, 見到櫥窗擺了很多烏冬道具, 而且有自家烏冬標誌就行入去想試吓而家巴士「撈蘇」時時賣廣告嗰碗曾志偉浸湯。 坐底才知道入咗板長而自家烏冬嘅食物就只有一本menu咁多選擇......都無曾志偉浸嗰個湯(烏冬), 左揭右揭才發現menu底有午餐套餐叫咗兩份午餐後就睇吓板長有什麽優惠辛辣牛肉湯烏冬...非常普通嘅食品, 牛肉全熟過頭, 辛辣味也不夠強。豚肉泡菜掛烏冬(冷)...味道酸酸辣辣, 烏冬煙韌, 爽豆腐沙律, 普通吉列魚柳...新鮮炸起, 肉質嫩滑板長有兩款優惠壽司:三文魚醬油漬壽司...三文魚半生熟, 甜醬油漬, 好味！金三文魚腩壽司...甘味肥美, 脂膏香凝, 無得彈！幸福の味珍味廣島蠔壽司...比較失望, 因為完全吃不到蠔味, 只有那些日本海產零食嘅味道, 即例如什麽の良品賣的磯燒元貝等等充滿味精嘅包裝乾製海產零食。我最失敗之order: 有味海鹽綠茶海鹽無綠茶味, 只得鹹味. 原來只是隨壽司送來的一碟鹽, 任你點加咖喱海鹽就即係咖喱薯片或者咖喱味公仔麵嗰種味精粉嘅味道到最後食飽咗, 但係唔開心囉