板長壽司 (已結業)

早前經過新鴻基中心, 知道板長係度開分店, 心里實在高興, 心諗,..又多個地方開餐.....爽呀, 因為我真係好鬼鍾意食剌身同壽司(特別係淘大板長)...嘻嘻...........今日滿懷歡喜約埋同事齊齊去開餐, 就咁睇環境同各樣好似都唔錯, 好..等我食件三文魚壽司醫下肚仔先,....哎呀......做咩舊飯散晒架, 夾唔到既, 死囉, 用咩米整架,做咩舊飯散成咁既, 一件係咁, 兩件又係咁既....乜唔係間間板長都係用一種米整飯團既咩, 淘大果間D飯好好食架(仲好有口感添喎), 但呢間....落錯單比錯食物都能夠諒解, 話晒開張冇耐, 但D飯散成咁真係好難接受呀, 好失望, 於是乎我即刻同亞Ricky生講(餐紙張相) ..Ricky, 軒尼斯道果間D水準雖然冇得同淘大果間比較,但D飯都算實淨, 呢間攪成咁, 你真係要注意呀...仲有就係個燒三文魚頭都勁唔惦呀, 一開三係冇問題既, 之但係真係燒得唔夠火喉(真係咁赶時間), 咁點會香呢, 亦都可能因為咁,覺得好油膩, 好腥, 加上果幾隻魚眼先得人驚, 食到我地有D想嘔....... 我建議Ricky 生你考慮一下係淘大調配幾好