影片
更多
2017-06-26
22184 浏览
轉眼又過1個月，又到賴生同屈小姐既紀念日啦。咁岩呢日我地既舊同事又約食飯，仲邀請我地食《倫哥雞煲火鍋》添，實在太好啦！我地想試好耐嫁啦！同事好好，幫我地Book左去佐敦呢間，平尖沙咀$30個人嫁，頓時覺得抵左！除左平左之外，佐敦呢間舖呢，坐都Ok既，又唔係話鬆動，又唔算逼既！不過有個重點要提提大家，呢間舖冷氣超勁，成個雪房咁，記得帶定件褸去⋯連賴生都頂唔順食任食邊爐，比$278（連加一$306）一個人，除左食物質素，相信大家都會對佢既服務有一定既期望，事實上佢既服務又真係幾好既呢每枱有個服務制，按一按唔駛10秒就有專人serve你，無論落order，拎野飲同執野都可以嫁！最最最sweet既係舖頭有褸提供，如果你真係好凍⋯就問佢地拎啦！另外，每位店員手腳都好快，目光銳利，自動自覺加湯，執碟同比桶你倒骨，唔會搞到成枱骨，好好Service! 而且，有時候一班人食野，梗會有人遲到，呢度除左唔限時之外，早到既人可以即刻入去坐，仲即時有前菜小食食添，而且你可以叫住雞煲食先！因為都係任食嫁（只要係轉火鍋前都係任食），咁就唔怕餓住等啦？ 更何況有D野食，例如蠔皇扣鮑魚同蒜蓉粉絲蒸象拔蚌都係等齊人先上
除左平左之外，佐敦呢間舖呢，坐都Ok既，又唔係話鬆動，又唔算逼既！不過有個重點要提提大家，呢間舖冷氣超勁，成個雪房咁，記得帶定件褸去⋯連賴生都頂唔順
食任食邊爐，比$278（連加一$306）一個人，除左食物質素，相信大家都會對佢既服務有一定既期望，事實上佢既服務又真係幾好既呢每枱有個服務制，按一按唔駛10秒就有專人serve你，無論落order，拎野飲同執野都可以嫁！最最最sweet既係舖頭有褸提供，如果你真係好凍⋯就問佢地拎啦！另外，每位店員手腳都好快，目光銳利，自動自覺加湯，執碟同比桶你倒骨，唔會搞到成枱骨，好好Service!
而且，有時候一班人食野，梗會有人遲到，呢度除左唔限時之外，早到既人可以即刻入去坐，仲即時有前菜小食食添，而且你可以叫住雞煲食先！因為都係任食嫁（只要係轉火鍋前都係任食），咁就唔怕餓住等啦？ 更何況有D野食，例如蠔皇扣鮑魚同蒜蓉粉絲蒸象拔蚌都係等齊人先上，食住其他野先啦
咪講咁多，開餐先
XO醬豆角
74 浏览
0 赞好
0 留言
太肚餓啦!! 好彩職員好醒~~我地一坐低就拎2碗前菜黎! 即刻忍唔住要狂啪番幾條先得!! 一入口~~ 咦! 幾脆喎! 個師傳功力都幾勁喎!豆角冇煮過火，唔會淋晒，再冰鎮一下轉凍盤，令豆角更爽脆! 作為開胃前菜真係唔錯!! 而且係用XO醬整~~ 微微地辣又夠香!! 一開頭就已經比左個好食既印象比我地，令人好期待之後果D野食呀，特別係用韓文寫果個....(賴生不停係度諗究竟係咩黎既呢!? 原來就係我地食緊既前菜)
陳醋雲耳
81 浏览
0 赞好
0 留言
不得了~! 2個前菜都好出色，呢個雲耳用老鼠耳，細細粒一啖一粒~~又夠爽口又夠滑，而且酸酸地帶些少辣味! 開胃一流!! 唔覺唔覺真係隨時食左半碗都唔知咩事! (係呢個Moment~~~我地終於齊人啦!!! 唔講咁多~~ 即刻叫定個雞煲! 叫左黎都要自己炒8分鐘先食得嫁)
阿嫲雞煲(小辣)
81 浏览
0 赞好
0 留言
黎啦黎啦!終於黎啦~~餓死賴生同屈小姐啦! 店員幫賴生較好火，貼心既屈小姐幫賴生較左8分鐘既鬧鐘，因為每2分鐘要炒一次嫁!!(題外話:點解屈小姐用賴生部電話仲叻過賴生既），賴生炒呀炒，炒到4分鐘就落埋牛栢葉、豬皮同水魷~~~ 話咁快就8分鐘食得！食既時候最好大家較番2-3火，唔係好易癡底嫁！因為本身個雞煲冇乜汁，D雞索晒咁濟，所以件件雞都勁惹味！件件都好多肉，肉又滑，唔似出面其他得雞頸雞腳雞背咁，同埋真係好香，小辣唔會冇辣味，麻味就輕輕咁帶出，唔會食得嘴腫晒，好岩食辣既初食者食，我地估去到中辣既話，個辣味就應該搶得濟，而家咁就岩岩好！
而且仲有豬皮，水魷同牛栢葉加落去炒，吸晒雞煲既汁，口感又正，一流呀！連平時唔食豬皮既屈小姐都忍唔到口呢！(竟然被發現？！) 仲有記得要食埋D洋蔥呀，成個雞煲精華所在，賴生夾左好多比屈小姐食
P.S. 如果鍾意食雞煲可以係轉火鍋前再ORDER再食嫁!! 一轉左火鍋就冇得追加嫁啦! 但我地目標好明確....係海鮮!!
蠔皇扣鮑魚
108 浏览
0 赞好
0 留言
係食食下雞煲既同時，店員見我地人齊，就落左Order叫廚房起菜啦~!! 鮑魚就係20分鐘左右就送上，店員提示我地趁熱食會好味d~~ 賴生就毫不客氣咁夾左比屈小姐先，再夾比自己食啦!! 隻鮑魚都幾彈牙~~ 蠔皇都扣得入味，鮮甜而不會過咸! 雖然唔算大粒，但1啖1隻，成隻啪真係幾過癮下!! 同埋1人有1隻~~唔駛爭!!
蒜蓉粉絲蒸象拔蚌仔
117 浏览
0 赞好
0 留言
同鮑魚一樣~~人一齊佢就自動幫你叫人整!! 當然又要趁熱食啦~ 蒸海鮮凍左係唔好食嫁!! 呢道菜整得幾好，佢唔會落太多蒜蓉遮左象拔蚌既鮮味，粉絲就吸晒D精華，濕潤而帶少少蒜味同好強既象拔蚌鮮甜味!! 象拔蚌BB真心係新鮮野，超爽口同鮮甜，只係呢佢有少少位未清得乾淨，清埋唔會有腥味就更好，不過而家都係好輕微者~~ 所以著量扣0.5星啦!
牛頸脊
77 浏览
0 赞好
0 留言
每2個人1碟，如果想加就$38蚊一碟!! 碟牛肉都切得幾厚，而且唔會縮得好西利，證明都好新鮮，肉淋而牛味都唔錯，牛味再濃D就PERFECT啦!!不過重點係海鮮任食麻~~~梗係食海鮮回本啦!!要加錢既野....除非你真係好好好好好鍾意食牛~就建議你加啦!!
艇家蟹鍋
55 浏览
1 赞好
0 留言
呢個鍋呢，係鮮茄薯仔湯再加隻花蟹落去滾嫁，一定比鮮茄薯仔湯甜! 而且....打邊爐叫既海鮮本身冇蟹嫁! 如果想食蟹....你識揀啦? 揀呢個湯底就免費有1隻花蟹食~~! 佢隻花蟹大約半斤重， 雖然冇乜膏但勝左肉多夠鮮甜! 賴生負責拆，屈小姐負責食，食下食下就食晒隻蟹LU!!!仲有呢，粟米同薯仔滾到最後又粉又甜!(賴生既眼尾仲望到屈小姐偷偷地夾晒d蕃茄食，睇黎d蕃茄都唔錯)
同埋呢個鍋真係好岩用黎食海鮮~~ 夠清甜，又唔會遮到海鮮既原汁原味! 好正!!
低鹽少油魚皮&響鈴
49 浏览
0 赞好
0 留言
魚皮薄得黎夠脆，響鈴亦比出面薄所以卷既層次較多，不過健康既朋友就冇邪惡既代表咁好食啦!! 魚皮同響鈴味道都較淡，不過都好脆，係高手既作品，所以值4星! 不過主角仍然係海鮮! GOGOGO!!
倫嫂手打雙滑
56 浏览
1 赞好
0 留言
海鮮既代表終於出現啦，係蝦滑同墨魚滑，白色既係蝦滑，黑色既係墨魚滑!! 蝦滑同墨魚滑打到起晒膠，好有黏性嫁!! 1份建議分4粒就PERFECT! 粒粒都好彈牙，不過墨魚滑比蝦滑出色，除左一樣咁彈之外，墨魚滑比蝦滑更甜!! 墨魚一粒粒仲有多啲爽口咬口。我地4個人Total食左2支蝦滑，4支墨魚滑識食既你，識揀啦?
環球海鮮拼盤
70 浏览
1 赞好
0 留言
真心好多海鮮選擇，而且新鮮程度都唔錯! 可以REFILL既有龍躉片、脆鯇片、白鱔片、刀貝、鑽石蜆、魷魚，花甲同海蝦!!
而限量既有象拔蚌BB同帶子(1人1粒)
限量編
象拔蚌BB : 就咁落火鍋比蒜蓉粉絲蒸更鮮甜，而且夠厚肉大隻，好想有得ENCORE呀...
帶子: 帶子唔會縮水，正! 不過論鮮甜就真係象拔蚌BB 嬴晒
任食編
白鱔片: 超正!爽口彈牙! 鱔味濃烈，真係好新鮮! 我地不停ENCORE食左超過10碟呀....太正啦!! 係最後一碟冇咁彈牙同爽~~可能放得耐LU~!!
龍躉片: 相比白鱔片，冇咁彈牙同爽，相對平時食開既龍躉較淋身，我地最後食左2碟!因為冇白鱔片咁出眾~
脆鯇片: 實在係比白鱔片同龍躉片比下去了，無論爽彈程度或者魚味，(而且有好多骨)，定論身價，都係食番白鱔片同龍躉片比較好... 要回本麻!我地食左3碟左右啦(因為有1個朋友好鍾意食脆鯇)
海蝦: 隻隻都好大隻，隻隻都有賴生2隻手指拍埋咁大隻!! 雖然唔識郁，但都係新鮮貨，肉質彈牙!!正，好蝦之人一定要狂食! 賴生係餵飽左屈小姐之後，自己都啪左2碟(即8隻)...哈哈哈! Total食左5碟!!
魷魚 : 又係另一新鮮野，佢比左好多腳我地，基本上1碟就有大半隻魷魚咁濟！超正! 好彈牙呀!! 而且唔會縮水呢~~不過身價太低~~我地食左1碟咋!
刀貝: 正!冇沙嫁!!雖然唔係新鮮識郁既，但肯定係今朝先買番黎既貨，為左保鮮，係吐完沙之後就冰住佢!! 隻隻都好大隻，有1/4隻手掌大，肉甜夠厚！正!!
花甲: 同刀貝一樣，只係比較細粒~~但肉都好大好甜嫁，而且清潔得好乾淨~~個殼個花紋清晰易見，好安心食!
鑽石貝:一樣鮮甜!! 一樣正!雖然比刀貝細粒，但肉都漲卜卜嫁!
田園有機蔬菜、阿媽雲吞水餃同什丸
66 浏览
0 赞好
0 留言
每個菜籃都有粟米，油麥菜，娃娃菜同唐生菜仲有金菇同秀珍菇~~洗得好乾淨好新鮮，可以安心食用!! 而且栗米同個湯底好夾~~超甜!
12) 阿媽雲吞水餃:3.5⭐️
普普通通既雲吞水餃~冇咁特別，皮都薄既~~不過梗係留肚食海鮮至上啦!!
13) 什丸: 3.5⭐️
有白魚蛋，貢丸，千島醬爆丸，仲有年糕魚蛋。其實都幾出色~~好多都彈牙，千島醬爆丸仲幾好味添~~不過我地今日唔係黎食丸既!!
真的假不了(燉燕窩鮮奶)
79 浏览
0 赞好
0 留言
食飽飽係時候上甜品啦~~一路食既時候賴生都諗緊真的假不了係咩黎既呢? 原來係燕窩燉鮮奶，好似冇乜關係咁既? 不過唔緊要，食左先算啦! 鮮奶都燉得幾滑，不過奶味就好似冇乜，但燕窩好甜呀!! 如果燕窩再多DD就好啦，不過食飽之後食番個咁輕盈既甜品，負擔都冇咁大，又可以滿足想食甜野既慾望，很好!
總結
出黎食呢一餐，大家真係要留定肚專攻海鮮! 呢度既海鮮種類多又夠新鮮，蝦食主義者可以狂拆蝦，魚食主義者狂食白鱔片同龍躉片就岩喇，至於貝類可以食刀貝同鑽石貝，真係好岩喜好唔同既海鮮愛好者!! 而且呢度湯底夠清甜，好夾海鮮!! 正到暈!!
如果你唔係海鮮嗜好者而係雞煲愛好者，佢個阿嫲雞煲都勁惹味，雞件大大件，啖啖肉，鍾意食雞煲既人一定鍾意食，而且任加嫁!!食多D都唔怕!!
萬一你以上2種人都唔係既話，係牛食者既話，我建議你去番專食牛既專門店...因為呢度D牛要逐碟計錢，唔化算嫁!
再萬一你連牛食者都唔係....，你就唔需要比300幾蚊去食呢度個火鍋啦....因為你食唔回本嫁!!自己買料番屋企打/去其他地方食啦!!
同埋呢度最好係唔限時，可以慢慢食，攤下食下傾下計，點都會食得飽，上菜加野亦好快，絕對唔怕冇野食，只要擔心食唔晒就真！
#好飽呀好飽呀
#19個月快樂
#要一直都咁快樂哦
#多謝妳一直係我身邊提醒我
#其實分數，從妳眼神就已經睇得到
#不過我都一直保持呢個分數同繼續努力嫁!!
#詢眾要求 : 隔離枱食野可唔可以冷靜少少唔好咁嘈
张贴
