良友快餐

本身見到呢間款式比其他三文治店多，價錢又比較相宜，評價都唔錯，於是滿心歡喜去試。點知真係一肚氣。廚房明明已經企咗三個人，落咗單後，竟然係一個喺出邊搬緊嘢阿叔，手都冇洗就開始整我嘅三文治🥵🥵🥵🥵🥵🥵🥵呢位叔叔仲要好有型咁一路食住煙，一路整。見到佢直接用手拎起已經整定嘅面包，再用手拎起1件雞蛋，同埋加埋其他配料，已經真心咩都唔想食。基本嘅衛生意識都冇，仲要開放式廚房俾人見晒，咁樣嘅良友，我真係唔配值得擁有。