去滾

营业中

休息中

琴晚去滾😂，講緊係去咗登龍街嘅火鍋店［去滾 ］。餐廳裝修得好摩登，有港式情懷，仲不停播放著廣東經典金曲，好有feel。我哋一行四人點咗沙嗲湯底拼蕃茄薯仔湯底，大人細路都啱食😋小食叫咗蝦卷，超好味，點啲wasabi沙律醬，又香口又惹味。配料當然唔少得牛牛，我哋叫咗肉類拼盤，十分豐富，有牛腩，安格斯牛，牛舌，黑豚肉。 牛腩 爽中帶霖，啱曬牛魔王。蟹柳中間有啲飛魚子好特別，豬肉丸夠爽滑，豬肉味濃，juicy。牛肉餃都唔錯，皮薄餡靚。呢度環境好舒適，好適合一大班人嚟烚下烚下，下次再約班朋友嚟先。