影片
更多
2018-02-10
207 浏览
尖沙咀一向多酒吧餐廳，今次去到比較熱鬧同埋人流多嘅寶勒巷，去到一間幾有特色嘅酒吧餐廳叫做《彌敦左岸》用餐。餐廳分為兩層，而且更可以私人包場，入面有房間同埋桌球枱等等嘅活動設施供客人使用。酒吧餐廳裝修以浪漫情調為主，特別係燈光富有神秘感，適合情侶同埋朋友談心嘅好地方。估唔到酒吧餐廳提供嘅食物多元化，有多種選擇，唔係剩係得啤酒、酒精飲品等。臨近聖誕節，餐廳佈置成富有聖誕節氣氛，樓梯位已有一棵好大嘅聖誕樹，牆上面更有很多聖誕燈飾同埋吊飾。首先每人叫咗一杯飲品，我就叫左一杯Crazy Juice，價錢亦都非常抵＄68一杯，飲到有好濃郁嘅椰子味道，而且入面有椰子絲添，果然係新鮮鮮榨。朋友們都叫咗Left Ice、Peachy Coco同埋Earl Grey on Rock。前菜中，我比較鍾意阿拉斯加皇帝蟹配芒果雪芭，呢一款菜式好少係出面西餐廳食到，而且有我最鍾意嘅皇帝蟹腳，食落去蟹肉非常鮮甜，而且配以芒果雪芭，味道好match。仲有我最鍾意嘅Suckling pig 🐖 🐷 ，外皮燒得好香脆可口，而且肉質鮮嫩香滑，真係非常滋味。除此之外，牛魔王嘅朋友最鍾意食烤美國特級安格斯西冷牛扒10安士配荷蘭
餐廳分為兩層，而且更可以私人包場，入面有房間同埋桌球枱等等嘅活動設施供客人使用。
酒吧餐廳裝修以浪漫情調為主，特別係燈光富有神秘感，適合情侶同埋朋友談心嘅好地方。
估唔到酒吧餐廳提供嘅食物多元化，有多種選擇，唔係剩係得啤酒、酒精飲品等。
臨近聖誕節，餐廳佈置成富有聖誕節氣氛，樓梯位已有一棵好大嘅聖誕樹，牆上面更有很多聖誕燈飾同埋吊飾。
首先每人叫咗一杯飲品，我就叫左一杯Crazy Juice，價錢亦都非常抵＄68一杯，飲到有好濃郁嘅椰子味道，而且入面有椰子絲添，果然係新鮮鮮榨。朋友們都叫咗Left Ice、Peachy Coco同埋Earl Grey on Rock。
前菜中，我比較鍾意阿拉斯加皇帝蟹配芒果雪芭，呢一款菜式好少係出面西餐廳食到，而且有我最鍾意嘅皇帝蟹腳，食落去蟹肉非常鮮甜，而且配以芒果雪芭，味道好match。仲有我最鍾意嘅Suckling pig 🐖 🐷 ，外皮燒得好香脆可口，而且肉質鮮嫩香滑，真係非常滋味。
除此之外，牛魔王嘅朋友最鍾意食烤美國特級安格斯西冷牛扒10安士配荷蘭豆辣肉腸薯蓉。牛肉七成熟，切落去入面呈現粉紅色的，半生熟嘅口感好彈牙，而且有非常新鮮濃郁嘅牛肉味道，好正。
另外仲有至尊Pizza。
甜品方面，餐牌上面有六款選擇，估唔到佢啲自家製雪糕仲好食過出面嘅大牌子雪糕，食落去有好濃郁嘅味道之餘，而且好香滑。最後埋單都只係1600左右，四個人每人平均消費＄400，而且食物質素高，餐廳坐得好舒服，地點非常方便，經過一定要試吓。
张贴
