鶴崎居酒屋 (已結業)

今日同朋友試吓呢間居酒屋🏮 ，喺商場入邊，容易搵到，裝修非常有東瀛風味，有五六張枱係卡位，方便聊天傾偈🤪佢有單叫同埋二人套餐，我哋兩個今次就試吓散叫！全部都係網上用QR code落單，方便快捷~首先送上北海刺身丼，材料豐富，有帶子、劍魚腩、吞拿魚蓉、三文魚子等等，新鮮又好味😋又叫咗啲串燒🍢🍡試吓，牛舌同埋蘆筍豬肉卷牛舌厚切，牛味十足，啖啖肉 好彈牙！蘆筍豬肉卷，燒得好香嘅豬肉包上一條條柔嫩嘅蘆筍，口感十足！最後叫咗個雲台☁️壽喜鍋一齊share，呢個真係必叫之選，肉類我哋揀咗安格斯牛小排，一上枱嘅時候我哋已經哇一聲，好大個棉花糖喺上邊，一圈圈⭕️，又靚又吸睛！打卡之選！棉花糖融化咗之後同湯底融為一體，湯底甜甜地，再配上極多配料 例如豆腐、蔬菜冬菇等等，安格斯牛小排好大碟，脂肪均衡，肉味十足~! 呢個壽喜燒超級飽肚，極力推薦！