影片
更多
2023-06-13
47 浏览
試完下午茶，知道會唔會再去。 T16無骨海南雞濃湯船麵/選擇 幼粉$66， 另外需要再收取加一服務費 。海南雞顏色上碟就靚，但係食落口雞肉比較硬，個幼麵亦都比較硬。冇麵香味，似機制麵， 好似煮唔淋金邊粉硬繃繃， 包飲品泰式泡沫奶茶凍，跟餐唔需要加錢 。T08 泰式生蝦刺身配酸辣青汁$76蚊, 包一杯飲品如果選擇季節茶凍飲 係荔枝茶 需要加$5, 個生蝦刺身就等於我去凍肉店，買一pack越南出扁身生蝦刺身28蚊有30片， 酸辣青汁一啲都唔好味， 好求其似搵魚露、芫茜、 攪勻佢就算， 加左鹽加左糖。T15 碳烤魷魚鬚配酸辣粉絲$58 魷魚鬚數得出有5條配一大舊粉絲難咬斷嘅， 入面調味醬汁亦冇味道。 唯一覺得最好👍🏻係泰式泡沫奶茶真係似喺泰國飲奶茶嘅感覺。 Openrice 內容好多都讚有窗口位坐，窗口位只得4張枱，其中靠牆一張有梳化位，其餘都係木櫈唔見得好坐。 咁嘅質素只可以話係普通唔會特別有深印象去，除非話真係偶然冇得選擇就去再食下。 下午茶逢星期一至五2點至5點。 客人唔多，招呼係好，兼有禮貌
张贴