新記芝士麵 (已結業)

由於經常o係面書見到朋友仔upload呢度最出名既芝士撈公仔麵既相,再上黎openrice睇下食評, 見到食物既賣相都幾好, 於是決定今日專登出tst試一試~由於地點都幾偏下(o係大廈入面), 黎之前上google睇過地圖都要再花時間搵一搵...估唔到5點鐘左右黎到都幾多人, 雖然地方唔大, 不過我得一支公所以好易搵位~本來想食最出名既豬頸肉芝士撈丁, 不過怕唔飽所以叫左最貴既雞扒雞翼芝士麵($44)~再加多杯凍檸茶($9), 講真價錢都幾貴下...加上芝士公仔麵既成本唔高, 鋪位又唔就腳都keep住有咁多人黎, 個人覺得應該幾好賺下~等左接近10分鐘終於有得食, 不過望一望碗麵即刻覺得好似有d唔對路, 點解好似少左d野咁?再摷多幾摷先發現原來得3隻雞翼, 雞扒不翼而飛...唯有即刻同姐姐仔講叫佢換過碗~結果又要等多5分鐘先有得食, 今次塊雞扒終於歸位, 不過就被剋扣左隻雞翼(得返2隻)...講返d野食, 芝士好香濃又夠多, 唔濃唔杰剛剛好, 份量差唔多可以遮晒成個麵~ 失而復得既大雞扒煎得香脆, 可惜有d位燒焦左, 至於雞翼味道都唔錯~芝士+公仔麵+雞皮=超級滿足, 不過熱量都應該超