北海丼 (已結業)

我系一個極容易俾人燒到去找好東西食嘅人，早幾日見到食神達人喺Facebook post左呢個震撼嘅三文魚子飯，搞到我心思思又想食，臨近月尾特別忙，有一個鐘頭嘅時間老板開緊會，無政府狀態極速跑來食個三文魚籽飯。坐低時間係12點，午市人潮尚未出現，快速點左個三文魚子丼，價格係＄230左右。泥到嘅時候有少少同我想像中嘅距離，個碗真係幾細。朋友都知道我唔算大食，只係為食，我用吉野家下午茶牛肉飯來講，我多數係食唔晒全碗。會剩¼至五份一嘅飯。不過我睇呢一個飯已經知道我係唔會飽。。。然後呢就會有一位師傅走過來響你面前but 三文魚子，同時間一眾嘅服務員以及師傅呢都會大叫，助興一下，感覺都幾開心嘅。不過其實個碗咁細呢，都唔係話裝得好多三文魚子。連加一＄260。。。都唔係好抵了！三文魚子嘅質素尚可，調味很好，份量係多同豐盛的。不過始終唔及sushi man 的會彈兩下的新鮮。如果以價格呢，反而康怡吉之島裏邊一間刺身店呢就抵食好多。以價格來説就要考慮吧！如果可以嘅話不如比多碗白飯會更好。最後食完個三文魚籽飯，返到公司幾乎食晒上司枱頭上面嘅零食。。。。俾阿姐串我未食早餐啊？