影片
更多
2019-10-16
1051 浏览
行過呢間鋪嘅時候，以為佢係食我哋想像中嘅「夫妻肺片」，但落到去原來不是我所想的。除咗環境，連餐牌都過癮過人。呢度係食台式火鍋，台式當然唔少得台式麻辣鍋啦，呢個麻辣鍋係呢度嘅招牌夫妻鍋，我哋另外仲訂左個兄弟鍋（酸菜白肉）， 真係夫妻兄弟一家親。佢兩個鍋嚟到嘅時候入邊都好足料，最重要係佢啲湯底係用牛骨熬製，絕對建議你試下。麻辣鍋本身有豆腐同鮮鴨血，點解強調佢係鮮鴨血呢？因為佢同其他鋪頭食到嘅唔同，佢呢個鴨血質感會比較水啲，所以一定要熬最後俾佢索晒啲味先至最好食。而酸菜白肉鍋入邊就有好多白肉同埋大白菜，同樣地啲白菜索晒啲湯，又係正到不得了。如果你細食嘅話，食完兩個鍋啲料，你應該會飽左一半。而個鍋上到嚟嘅時候，職員好有心機咁教你點樣溝一個台灣人先會食嘅醬-「鮮蒜苗」，食法係等麻辣鍋滾左之後「不」一更落去攪拌。除咗呢個特別嘅醬料之外，佢呢度仲有一個特別嘅食物就係「老油條」，佢嘅食法係浸落啲麻辣燙到10秒，索左啲湯汁，入味之餘又脆卜卜。肉類我哋就嗌咗美國榖飼牛肉同羊肉卷。穀飼牛肉會比較瘦，牛味濃，而且腍得嚟保留口感。而羊肉騷味唔會好勁，好軟腍。另外我哋仲嗌左個黑栢葉，佢一片一片薄薄咁，淥五秒就食得
呢度係食台式火鍋，台式當然唔少得台式麻辣鍋啦，呢個麻辣鍋係呢度嘅招牌夫妻鍋，我哋另外仲訂左個兄弟鍋（酸菜白肉）， 真係夫妻兄弟一家親。
佢兩個鍋嚟到嘅時候入邊都好足料，最重要係佢啲湯底係用牛骨熬製，絕對建議你試下。麻辣鍋本身有豆腐同鮮鴨血，點解強調佢係鮮鴨血呢？因為佢同其他鋪頭食到嘅唔同，佢呢個鴨血質感會比較水啲，所以一定要熬最後俾佢索晒啲味先至最好食。而酸菜白肉鍋入邊就有好多白肉同埋大白菜，同樣地啲白菜索晒啲湯，又係正到不得了。如果你細食嘅話，食完兩個鍋啲料，你應該會飽左一半。而個鍋上到嚟嘅時候，職員好有心機咁教你點樣溝一個台灣人先會食嘅醬-「鮮蒜苗」，食法係等麻辣鍋滾左之後「不」一更落去攪拌。
除咗呢個特別嘅醬料之外，佢呢度仲有一個特別嘅食物就係「老油條」，佢嘅食法係浸落啲麻辣燙到10秒，索左啲湯汁，入味之餘又脆卜卜。
肉類我哋就嗌咗美國榖飼牛肉同羊肉卷。
穀飼牛肉會比較瘦，牛味濃，而且腍得嚟保留口感。
而羊肉騷味唔會好勁，好軟腍。
另外我哋仲嗌左個黑栢葉，佢一片一片薄薄咁，淥五秒就食得，好爽脆。
海鮮方面我就揀咗個龍躉片，呢間嘅龍躉片係比較薄切，大大塊，所以好易熟，啲肉質都滑，唔會好老。
佢呢度有好多款手工丸，男朋友一句話「樣樣都想食」於是我哋就帶咗佢個拼盤「團團圓圓」。有齊四款手打嘅手工丸。分別係鯪魚，豬肉，墨魚同蝦肉，粒粒都大大粒。因為係手打嘅關係，佢唔係落咗好多粉，所以唔會好似乒乓波咁彈牙，但係食落好鮮甜。
台式鋪頭出名嘅除咗台式麻辣鍋之外，當然唔少得台式飲品啦。
男朋友揀咗杯益力多沙冰，但我一飲就知道唔係你想像中嘅香港益力多，而係台灣嘅可爾必思。可爾必思冇益力多咁酸，味道會甜小小，加埋佢啲蘆薈粒，清爽又解辣。
而我自己就貪心少少，嗌咗兩杯嘢飲，因為我兩樣都想飲。分別係珍珠鐵觀音奶茶同埋冬瓜鐵觀音茶。兩款都係茶味重，唔會太甜，解到辣。
张贴
