真妮 (已結業)

行街見到有間裝飾比較特別嘅餐廳，原來係食西式嘢。見到啲食物賣相都好吸引。最後揀咗2個蛋包飯，分別係吉列豬扒同煎雞扒。吉列豬扒粉唔會太厚，炸得啱啱好，表面黃金色，咬落好脆口。而蛋包飯嘅蛋都整得好嫩滑，唔會太熟而影響口感。旁邊仲有啲沙律菜，可以中和油膩感添，讚！而香煎雞扒蛋包飯嘅雞扒，雞皮煎到非常脆，而雞肉亦都好嫩滑。不得不提，小食亦都係水準之作。即叫即炸，非常香脆可口。店員有禮同細心，因為同行友人唔想食咖哩，店員提出可轉鰻魚汁。另外亦都留意到用晒紙巾，主動俾我哋。