窩心鍋 (已結業)

第一次打邊爐可以打得咁乾淨，地下冇水唔痴立立，碗碟乾淨，餐廳又唔焗，座位闊落，食得好舒服。兩個人叫左個窩心套餐，所以野食都好新鮮，由海鮮，肉類，丸類，甚至乎蔬菜都係好新鮮，真係睇得出呢間野好有誠意。先上竹庶茅根水，好清甜，落足料！佢地啲野食差不多一次過上曬，幾好呀，唔洗吹三吹四怕漏單。湯底係冬瓜地雞湯，幾重雞味，入面仲有大量冬瓜，杞子，瑤柱仔同紅棗。海鮮拼盤有彈牙鮑魚，大大隻既蝦，同鮮蝦，食得好鮮，因為啲蝦肉好實正！安格斯牛肉肉質新嫩，烚完都好冧，仲好有牛肉味，正！日本黑豚腩，薄切易熟，一啲都唔鞋。雞頸肉，第一次食呢個部位，好似食梗雞脾位咁，又爽又嫩口。墨丸，鯪魚，蝦丸，打到起曬膠，好彈牙而且足料，好有味。啲午餐肉食到好多豬肉碎，好有口感，打邊爐好食！個餐仲包什菜籃，好新鮮，洗得好乾淨，一啲泥都冇。除左餐廳乾淨，野食新鮮，呢度既裝修玩味十足，店員都好nice添，誠意度滿分！