六喜見 (已結業)

旺角通菜街餐廳林立，呢晚同朋友想食清d ，見到呢間「六喜見Happy to See」好岩feel咁餐廳主打港式無味精自家製湯麵🍜，細蓉、牛腩麵、蠔仔粥等港人最常食到既粥麵都可以搵到，連炸蠔餅、皮蛋呢類人氣小食都有內牆係一張熊貓油畫，好有中國風味淨蝦丸（魚湯）呢碗淨蝦丸粒粒都大大粒，有一個乒乓波咁大老闆話佢地每日用過百隻蝦新鮮打出黎，難怪咬落結實彈牙，索埋鮮魚湯既鮮味，鮮味爆登魚湯蠔仔蟹肉湯飯小妹愛食蠔同蟹，呢碗蠔蟹粥一次過滿足我兩個願望，珍珠蠔鮮味十足，份量都幾多，食到碗底都仲有蟹肉碎到好細舊，mix埋煮到軟綿綿白粥好似保護色隱藏左，只要品嚐粥就可以食到蟹肉既存在可能你會發現餐廳好鍾意加入蝦乾做每味菜既配菜,佢獨特既咸香脆，可以頒個最佳配角獎比佢令每一味菜更鮮更惹味甜辣醬銀魚秋葵秋葵配麻醬點豉油平時就容易食得多，呢度既秘製甜辣醬甜甜地易入口，後勁食到有bb辣，做涼拌汁又幾夾，銀魚仔將成道菜提鮮一人炸蠔餅作為食蠔忠粉，多烈推薦一定要叫呢味一人炸蠔餅，見到佢好老實咁真係即叫即煎出一塊一個人都食到既份量，原來餅底係重蛋液，蠔仔份量亦好多，起碼食到8-9隻，真材實料呀喝✨自家制特飲左：青甜菊花