竹麓拉麵

今日去左中環街市，地下個層有相當出名既竹麓拉麵! 一定要叫佢最出名個款和牛肉鹽拉面! 湯底係慢火熬煮牛筋為主，出黎個湯清澈見底，飲落比較清爽，但同時會食到濃郁既牛脂味道! 牛肉就用左低溫慢煮既日本鹿兒島A5和牛肉肋肉，牛肉味好濃郁!

海老味噌拉面
鐘意海鮮既一定要叫呢款，湯底好濃郁，不過唔會過咸，帶有濃厚既蝦味同埋味噌既鹹香。呢款有3隻大蝦，蝦肉彈牙，面條係幼身面，亦都好掛汁!

免治雞肉棒入面有雞軟骨粒，增加口感，醬汁調味都係岩岩好。

黑豚肉餃子外皮香脆，好惹味!