CRAVINGS

你都油麻地搵嘢食，睇openrice搵到呢間中東菜，我直頭懶到跟住啲食評去嗌嘢食，真係幾掂幾好食。

呢個咖哩鷹嘴豆配炸餅真係唔錯，嗰兩塊炸餅成個大煎堆咁樣，侍應拎過嚟嗰陣時候好震撼，連隔離枱嗰啲人都裝下裝下咁樣。搣開個餅然後不啲咖哩鷹嘴豆落去夾住一齊食，真係別有一番風味。

我哋另外仲叫咗一份蒸雞肉尼泊爾餃子，呢個味道都唔錯，啲餃子好有質感好有份量，所以真係食到好飽，一啲都唔可以睇小。

最後仲叫埋呢支德國麥啤，係好飲喎。