影片
更多
2019-12-23
281 浏览
今日去同事介紹嘅Cafe 2 Oyster n Grill，同事話逢星期一至星期四只需要喺餐廳消費滿二百蚊就可以以每隻十八蚊食到七款唔同種頪嘅生蠔，仲要只係加38蚊就可以有紅白酒任飲，我當然唔執輸嚟試吓。一睇到一大盤生蠔確實令人心情非常舒暢， 每款生蠔都非常新鮮， 其中有三款我最鍾意嘅， 包括係Soldanha，Spain Pearl，同埋Fine De Claire。Soldanha，隻隻約3吋長，肉質飽滿，海水味淡，清甜而略帶青瓜味，作為開場實屬最好不過。Spain Pearl，一入口像滑入喉嚨般，味道鮮甜肥美，海水味適中，先鹹后甜，餘韻帶有清甜味道，吃起來滑溜溜又夠Creamy。Fine De Claire，紛迪加蠔係為人所知的法國蠔，佢質感爽口，一方面帶有海水嘅鹹味，而另一方面亦都有啲榛果嘅香味，有海水味餘韻嘅蠔放喺後半部食就最好不過。多款生蠔搭配雪凍咗兼且酸度高嘅白葡萄酒都好配襯，既可提鮮亦能清新口腔。菊苣青瓜蟹肉沙律， 菊苣外型有點像娃娃菜， 比起娃娃菜口感更爽脆， 味道亦更加清甜。 蟹肉上面放有滿滿的青瓜沙律， 青瓜絲略經調味， 味道清新， 非常開胃。 肉蟹灼熟後拆肉放涼
一睇到一大盤生蠔確實令人心情非常舒暢， 每款生蠔都非常新鮮， 其中有三款我最鍾意嘅， 包括係Soldanha，Spain Pearl，同埋Fine De Claire。
Soldanha，隻隻約3吋長，肉質飽滿，海水味淡，清甜而略帶青瓜味，作為開場實屬最好不過。
Spain Pearl，一入口像滑入喉嚨般，味道鮮甜肥美，海水味適中，先鹹后甜，餘韻帶有清甜味道，吃起來滑溜溜又夠Creamy。
Fine De Claire，紛迪加蠔係為人所知的法國蠔，佢質感爽口，一方面帶有海水嘅鹹味，而另一方面亦都有啲榛果嘅香味，有海水味餘韻嘅蠔放喺後半部食就最好不過。
多款生蠔搭配雪凍咗兼且酸度高嘅白葡萄酒都好配襯，既可提鮮亦能清新口腔。
菊苣青瓜蟹肉沙律， 菊苣外型有點像娃娃菜， 比起娃娃菜口感更爽脆， 味道亦更加清甜。 蟹肉上面放有滿滿的青瓜沙律， 青瓜絲略經調味， 味道清新， 非常開胃。 肉蟹灼熟後拆肉放涼，蟹味極鮮，絕對要先食啲蟹肉，品嘗吓個原味。
呢度嘅水牛城雞翼比較特別，個美式香辣醬並無兜勻到落啲雞翼度，而係放喺中間俾你點嚟食，咁樣做既唔會整腍本身炸得香脆嘅雞翼，如果同行當中有唔食得辣嘅朋友，亦都可以一齊分享；呢度個醬個辣度係我食過嘅水牛城雞翼之中最辣嘅，鍾意食辣嘅我當然相當滿足。
蒜香紫蘇白酒燒海蜆，上枱嘅時候被錫紙包住，一打開錫紙嘅一角，海蜆嘅鮮味撲鼻而嚟，再打開多一啲，見到海蜆隻隻都大大隻之餘仲要肉身飽滿，燒過後索盡白酒嘅味道，非常好食。
甜品點了朱古力溶岩伴雲呢拿雪糕，一刀切開個Fondant，睇住啲朱古力漿猶如噴泉一樣傾巢而已經叫人食指大動，細嚐之下朱古力嘅味道香濃，一啖溫熱嘅朱古力Fondant，再一啖冰凍嘅雲呢拿雪糕，就係食呢個甜品嘅至高境界。
Cafe 2 嘅生蠔咁抵食，仲有任飲紅白酒咁正，相信我好快又忍唔住要再嚟。
张贴
