桃園眷村 (已結業)

之前去朗豪坊等朋友，等到有啲餓，就俾我見到原來台灣輕食之選桃園眷村嚟咗香港🇭🇰，佢地嘅燒餅油條豆漿飯糰包子都好有水準。今次自己就揀咗原味燒餅同熱豆漿，原味眷村燒餅上面鋪滿芝麻非常香而且食時非常鬆脆；豆漿飲落充滿豆香，甜度適中且幼滑，份量亦啱啱好！除咗原味燒餅之外，仲可以搭配其他餡料，如芝士蛋、玉米蛋、豬排蛋等，健康之選則可揀蔬果沙律燒餅；而豆漿除咗原味/無糖之外，亦有鹹嘅、紅棗、紅茶豆漿俾大家選擇㗎! 除咗主食及飲品，甜品仲有豆花(都係有鹹嘅)，梗有一款啱你口味喔😚值得一提的是，佢哋係有由台灣🇹🇼過嚟嘅師傅👨🏻‍🍳坐陣，保証鮮製不媽虎！想偶爾感受一下台灣嘅氣息，去嚐嚐喲✌🏽