自以為非常熟悉佐敦的美食（主打非集團式老字號）：廟街煲仔飯、六榕仙館素食、牛屋鋸扒、峇里餐廳印尼菜、佑寧堂西式美食…上星期四讓我們再有新發現！
朋友C逛了兩條街後建議試試新餐廳，Pizza Max主打外賣，故餐廳座位只能容納16人左右，我們一行五人叫了中東包（+$配雞肉）、海鮮意大利飯、燒豬仔骨、Texas Pizza…最後忍唔住叫多隻招牌烤雞
中東包味道ok，但唔多夠五人分，試叫其它食物吧
意大利飯其實幾好食，不過份量亦較少，而我地有五隻大食怪…
之後就到重點：
由小弟負責拆件分享既燒豬仔骨，意想不到地容易！鬆軟程度與Dan Ryan's相近...必食推介!!!
Texas Pizza 又係必食推介!!! Sour Cream+酸甜醬面，令食物再加10分!!!
廚師指出招牌烤雞細細隻的原因，是保持食物質量…當我拆件時，確實如他所說：皮脆肉鬆軟！
享受了豐富既美食，後半時後包場分享，實在滿足！但實在擔心這類有質素的餐廳如何在眾多食肆中生存？吳松街過去還有一間康樂茶餐廳極受街坊客歡迎，年多沒去便已受貴租影響而結業…希望Pizza Max可以繼續維持對食物質素既要求，他日再去佐敦，定必再次光顧！！
Sam
