德國佬餐廳

营业中

休息中

今日嚟元朗周圍搵野食， 無意中搵到呢間小店， 我哋十二點鐘嚟嘅時候都冇乜人， 十二點半左右就已經要等位， 店內裝修幾雅致， 有設有室外座位， 方便吸煙人士同埋帶寵物嘅人， 大家可以同自己嘅愛犬一齊享用美食。午餐平均價錢都唔貴仲要唔收加一， 真係幾抵食。我哋揀咗兩個餐， 當然一開波就嚟餐廳同麵包， 啲包已經令人好驚喜， 又熱又脆， 紅湯都非常濃郁。我哋叫咗個辣肉腸pizza， 好香芝士味， 仲好大個，一個人一定食唔曬。最令人驚喜嘅係個鰻魚意大利飯， 鰻魚汁好香， 鰻魚又一啲都唔腥， 原來鰻魚通意大利粉出奇咁夾， 真係要再嚟食多一次!